ටිබෙටයෙන් පැමිණි යැයි සැලකිය හැකි භික්ෂූන්  පිරිසකි. ඒ හිමිවරු විවිධ වර්ණයන්ගෙන් යුත් වැලි කැට මේසයක් මත රටාවකට තබති.

ඔවුන් මේ කාර්යයේ යෙදෙන්නේ පෙර දිනයේ සිටය.දැනටමත් ඔවුන් පැය 30 කට ආසන්න කාලයක් මේ සදහා ගතකර ඇත.

 වැලි කැට ඉතා සියුම් ලෙස තැන් තැන්හි රැඳීවීමෙන් තැනුණු ඉතා අලංකාර මෝස්තරයක් මේසය මතය.

පැමිණ සිටින ගිහියෝ එය ආශාවෙන් නරඹති.මෙවන් අලංකාර දෙයක් දැක නැතැයි කියති.

එය නිර්මාණය කළ භික්ෂූන් පිරිස යළිත් ඉදිරියට පැමිණෙති. පැය 30 කටත් වඩා කාලයක් වෙහෙසවී නිර්මානය කළ තමන් මෙන්ම අනුන්ද සතුටින් සැනසූ එම අලංකාර මෝස්තරයේ ඇති වැලි ඒ මේ අත විසිරුවා දමා එය විනාශ කර දමති.ගිහියෝ මෙදෙස බලා සිටින්නේ විමතියෙන් අයා ගත් දෙනෙත් ඇතිවය.

අනතුරුව නායක හිමියෝ තැන ඉදිරියට වඩිති. මේ දේ කළේ සියලූ දේ අනිත්‍ය බව පෙන්වා දීමට යැයි උන්වහන්සේ කියති.

සියලූ දේ අනිත්‍ය යැයි පරම සත්‍ය ගිහියන්ට මෙන්ම පැවිද්දන්ටද පසක් කිරීමට මෙම අපූරු උපක්‍රමය යොදාගන්නා භික්ෂූ පිරිස සිටින්නේ ඉන්දියාවේ කර්ණාටක ප්‍රාන්තයේය. එහි පිහිටා ඇති ‘ඩ්‍රෙපුනග් ලොසෙලින්ග්‘ ආශ්‍රමය ඔවුන්ගේ නිවහන වේ. ඔවුහු තමන්  ‘ටිඛෙට් ගුප්ත කලා කණ්ඩායම‘ ලෙස හදුන්වා ගනිමින් සංචාරයේ යෙදෙති.

මෙම වැලිවලින් තැනෙන රටා හැදින්වෙන්නේ ‘මණ්ඩා‘ ලෙසය.මෙය ඔවුන්ටම ආවේණික වූ කලාවකි.මේසයක් මත දළ වශයෙන් රටාව පිහිටිය යුත්තේ කෙසේදැයි ඇඳගත් පසු ඔවුන් ‘චක් පර්‘ නම් මෙවලමක් ආධාරයෙන් සියුම් ලෙස ඒ මත විවිධ වර්ණයන්ගෙන් යුත් වැලි කැට අතුරා මෝස්තරය මවයි.

මෝස්තරය නිම කැර එය වහා විනාශ කර දමයි.

‘මෝස්තරය නිර්මාණය කිරීමත් අභියෝගයක්.මොකද ‘චක් පර්‘ උපාංගය භාවිතා කරන්න ඕනේ සංයමයෙන්.අනෙක මෝස්තරය නිර්මාණය කරනකොට තමන් සමග වැඩකටයුතු කරනා අනෙක් භික්ෂූනුත් සමග සහයෝගෙයෙන් කටයුතු කිරීමටත් දැනගෙන සිටින්නට ඕනේ‘ යැයි පවසන්නේ එක් භික්ෂුවකි.

‘අවසානයේ එය විනාශ කර දැමෙනවා.මෙයින් වැදගත් පණිවුඩයක් අපට මෙන්ම ගිහියන්ටත් ලැඛෙනවා.මොකද අප කොහොම සිතා සිටියත් අපගේ කය ඇතුලූ සියලූ දේවල් කල් ඉකුත්වෙන දවසක් පැමිණෙනවා.කිසිම දෙයක් සදාකාලික නැහැ.ඒක අවබෝධ කරගෙන වැඩකටයුතු කිරීම හිතට සැනසීමක්‘ උන්වහන්සේ කියන්නේය.