තායිවානයේ නැගෙනහිර වෙරළ තීරයට බලපෑ රික්ටර් මාපකයේ ඒකක 7.4 ක ප්රබලත්වයක් සටහන් කළ භූමි කම්පාවෙන් මියගිය ගණන 20 පසු කළේය.
තුවාල ලැබූ ගණන 1,000 කට වැඩිය. තායිවාන බලධාරීන් පැවැසුවේ, බිමට සමතලා වුණු නිවාස සහ ගොඩනැගිලිවල සුන්බුන් අතරේ තවත් බොහෝ දෙනකු සිටින බැවින් මරණ සංඛ්යාව තවත් ඉහළ යා හැකි බවය.
නිවාස සහ ගොඩනැගිලි සුන්බුන් අතරේ සිරවුණු පිරිස් බේරා ගැනීමේ මෙහෙයුම් පැය 24 පුරා සිදුවෙයි. භූමි කම්පාව හේතුවෙන් පතලක සිරවී සිටි පතල්කරුවන් පිරිසක් ද බේරා ගැනීම සිදුවිය.
තායිවානය යනු චීනය ද අයිතිය ඉල්ලන, චීනය අසල පිහිටි දූපත් රාජ්යයකි. වසර 25කට පසුව එරටට බලපෑ ප්රබලතම භූමි කම්පාව මෙය යැයි පැවැසෙයි. තායිවාන භූ කම්පනයේ අපිකේන්ද්රය සටහන් වූයේ එරට නැගෙනහිර වෙරළබඩ හුවාලියෑන් නගරයට කිලෝමීටර් 18ක් පමණ දුරින් පැසිෆික් සාගර පතුළේය.
භූමි කම්පාවේ ප්රබලත්වය තායිපේ අගනුවරට දැනුණි. තායිපේ අගනුවර නිවාස සහ ගොඩනැගිලි රැසකට ද හානි සිදුවිය. සහන සේවකයන් පවසා ඇත්තේ නිවාස සහ ගොඩනැගිලි 100 කට පමණ හානි සිදුවී ඇති බවත්, ගොඩනැගිලි 100කට පමණ හානි සිදුවී ඇති අතර, සුන්බුන් මැද සිරවී සිටින 130ක පමණ පිරිසක් මුදාගැනීම සඳහා මෙහෙයුම් දියත් කර තිබේ.
සිර වී සිටින පිරිසෙන් 80 දෙනකු පමණ සිරවී සිටින්නේ කඳුකර උමං මාර්ගවලය. එම පිරිස අතරේ විදේශිකයෝ ද වෙති. භූමි කම්පාවත් සමඟ තායිවානයේ කඳුකර පළාත් කීපයක නායයෑම් සිදුවිය. මාර්ග ද අවහිර විය. කඳු නගිමින් සිටි පුද්ගලයන් සිවු දෙනකු ද මියගිය බව වාර්තා වේ.
රික්ටර් මාපකයේ ඒකක 7.4 ක් සටහන් කළ එම ප්රබල භූමි කම්පාවෙන් පසු රික්ටර් මාපකයේ ඒකක 6.5ක ප්රබලත්වයෙන් යුතු පසු කම්පනයක් ඇතුළු කම්පන 100 ක් ද හටගත් බව පැවැසෙයි. ඉදිරියේදී තවත් ප්රබල අතුරු භූ කම්පන හට ගැනීමේ ඉඩක් ද පවතී.
රික්ටර් මාපකයේ 7.4 ප්රබලත්වයෙන් යුත් භූ කම්පනයෙන් පසු තායිවානයට, අසල්වැසි ජපානයට සහ පිලිපීනයට සුනාමි අනතුරු ඇඟවීම් නිකුත් කෙරුණත් පසුව එම අනතුරු ඇඟවීම ඉවත් කෙරුණි. තායිවානයට මීටර් භාගයක උසැති සුනාමි රළ කඩා වැදුණු අතර, ජපානයේ ඔකිනාවා දිස්ත්රික්කයට මීටර් 0.3 ක උසැති උදම් රළ කඩා වැදුණි.
ආපදා තත්ත්වය හමුවේ, තායිවානයේ ප්රබලතම ප්රතිවාදියා මෙන්ම සමීප අසල්වැසියා වන චීනය ආපදාවේදී ඔවුන්ට සහන සැලසීමේ සූදානමින් පසුවන පුවතක් ද විදෙස් මාධ්ය වාර්තා කළේය. කෙසේ නමුත් තායිවානය තවමත් ඊට ප්රතිචාර දැක්වීමක් කර නැත.
(ඒ.එෆ්.පී.)
යුක්රේනයේ යුද ගැටුම් සහ රජයේ කටයුතු සම්බන්ධයෙන් පැය 24 පුරා මාධ්ය දැනුවත් කිරීම් සඳහා යුක්රේනය AI හෙවත් කෘත්රිම බුද්ධි තාක්ෂණයෙන් ප්රකාශිකාවක් නිර්
බ්රිතාන්යයේ ඔටුන්න හිමි විලියම් කුමරු සහ කේට් මිඩ්ල්ටන් කුමරියගේ එකම දියණිය චාලට් එලිසබත් ඩයනා පුංචි කුමරිය අද නව වැනි උපන් දිනය සමරයි.
ගාසා තීරයේ පලස්තීනුවන්ට එරහෙිව සිදු කරන අපරාධ සම්බන්ධයෙන්, ඊට විරෝධය පළ කරමින්, ඊශ්රායලය සමඟ පවත්වන සියලු රාජ්ය තාන්ත්රික සබඳතා අවසන් කරන බව කොලොම
ප්රචණ්ඩ ක්රියා පිරුණු අවනීතිය රජකරන හයිටි රාජ්යයේ නව අග්රාමාත්යවරයා ලෙස ෆ්රිට්ස් බෙලිසාරී පත් කර ගැනීමට එරට අන්තර්වාර පාලක මණ්ඩලය කටයුතු කළේ
ඇමෙරිකාවේ කැලිෆෝනියා විශ්ව විද්යාලයේ විරෝධතා පවත්වමින් සිටි විශ්ව විද්යාල සිසුන්ට ද පොලිස් ප්රහාරයක් එල්ල විය. කැලිෆෝනියා විශ්ව විද්යාලයෙ විරෝ
දකුණුදිග චීනයේ කදුකරයේ අධිවේගී මාර්ගයක් හිටිහැටියේ නායයෑමකට හසුවිය. අධිවේගී මාර්ගයේ මීටර් 18 ක කොටසක් නාය ගියේ, අධිවේගයේ ගමන් කරමින් තිබුණු මෝටර් රථ 20
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සුන්බුන් අතරේ තවත් බොහෝ දෙනෙක් සිරවෙලා