නැගෙනහිර ජර්මනියේ සැණකෙළි භූමියක දී දුර්ලභ සුදු සිංහ පැටවුන් හතරදෙනකු උපත ලැබූහ. පැටවුන් බිහිකළේ සර්කස් කණ්ඩායමක සිටින සිංහ ධේනුවකි. පැටවුන් තිදෙනකු ගැහැණු සතුන්ය. විදෙස් මාධ්‍ය වාර්තා කරන්නේ පැටවුන් හොඳින් ආහාර ගනිමින් ඉතා සෞඛ්‍ය සම්පන්නව ජීවත්වන බවයි. මේ සතුන් ඇලි බවට පත්වූවන් නොවේ. සාමාන්‍ය සිංහයන්ගේ වර්ණ ප්‍රබේදයකි. මේ සිංහයෝ සාමාන්‍ය සිංහයන්ගෙන් වෙනස් වූ වෙන ම විශේෂයක් හෝ උප විශේෂයක් ද නොවෙති. ඉතා සීමා සහිත සුදු සිංහයන් සංරක්ෂණය කිරීමේ ව්‍යාපෘතියක් දකුණු අප්‍රිකාවේ ක්‍රියාත්මක වෙයි. එම ව්‍යාපෘතියෙන් සුදු සිංහයන් වනාන්තරවලට මුදා හරයි. සුදු සිංහයා සිම්බාබ්වේ ජාතික සංකේතයකි.

මොවුන් සර්කස් කණ්ඩායම් අතර ජනප්‍රිය සත්ව කොට්ඨාශයකි. සර්කස් කණ්ඩයාමේ හිමිකරුවා පවසන්නේ මෙි සිංහ යුවළට 2012 දී පැටවු හය දෙනකු ලැබුණු බවයි. මේ නව පැටවුන්ගේ චර්යා ගැන සොයා බැලීමෙන් අනතුරුව ඔවුන්ට නම් තබන බව සර්කස් කණ්ඩායමේ සාමාජිකයෝ කියති. වසර හතරක් ගතවනතුරු මේ පැටවුන් සර්කස් කණ්ඩායමේ ප්‍රදර්ශනය නොකරන බව ද එහි හිමිකරුවා කියයි.