වෙනිසුවේලාවේ කොළොම්බියා හා බ්‍රසීල දේශසීමා ආසන්න නගර වල ඇතිවූ විරෝධතා හේතුවෙන් මේ වනවිට දෙදෙනකු පමණ මියගොස් ඇතැයි වාර්තා වේ. 

ජනපති නිකොලොස් මධුරෝ විසින් මානුෂීය ආධාර රැගත් රථ වලට වෙනිසියුලාවට තුළට ඇතුළු වීම තහනම් කර තිබීම හේතුවෙන් මෙම විරෝධතා පැවැත්වෙන බව සඳහන් වේ.

විරෝධතාකරුවන් පාලනය කිරීම සඳහා රජයේ හමුදා විසින් කඳුළු ගෑස් සහ රබර් උණ්ඩ යොදාගත් බව පැවසෙන අතර මානව හිමිකම් සංවිධාන පවසන්නේ මේ සඳහා ජීව උණ්ඩ ද යොදාගෙන ඇති බවයි. 

අන්තර්වාර ජනපති ලෙස හඳුන්වා ගන්නා වෙනිසියුලාවේ විපක්ෂ නායක ජුවෑන් ගුවයිඩෝ විසින් මෙම ආධර ගෙනඒම සංවිධානය කර ඇති අතර ජනපති නිකොලොස් මධුරෝ පවසන්නේ ආධාර ලබාගැනීම රටේ ආරක්ෂාවට තර්ජනයක් බවයි.

ඇමරිකාව ඇතුළු යුරෝපීය රටවල් ගනනාවක් ගුවයිඩෝට සහාය දක්වන අතර සඳුදා (25) දිනයේ ඇමරිකානු උප ජනපති මයික් පෙන්ස් සහ ගුවයිඩෝ අතර සාකච්ඡාවක් පැවැත්වීමට ද සැලසුම් කර ඇතැයි වාර්තා වේ. මෙම සාකච්ඡාව කොළොම්බියාවේ බොගෝටා නගරයේ පැවැත්වීමට නියමිතව ඇත.

(බීබීසී ඇසුරිණි - 085)