දකුණු ආසියා කලාපයේ ඇතැම් රටවල අතිරික්ත විදුලි බල ශක්තිය කලාපයේ බල ශක්තිය ඌණ රටවලට ලබාදීමේ සමත් විදුලි බල පද්ධතියක් ඇති කිරීමට ඉන්දියාවේ අවධානය යොමුව තිබේ.

පසුගියදා නව දිල්ලියේදී පැවැති ‘සාක්’ රටවල බල ශක්ති අමාත්‍යවරුන්ගේ හමුවේදී මේ බව සඳහන් කෙරුණි.

එහිදී අදහස් දැක්වූ ඉන්දියාවේ විදුලි බල හා පුනර්ජනනීය ශක්ති අමාත්‍ය පියුෂ් ගොඑල් පැවසුවේ ශී‍්‍රලංකාවේ වෙරළ බඩ ඉදිකළ හැකි සුළං බලාගාර වලින් පකිස්තානයට හා නේපාලයට විදුලි බලය සැපැයිය හැකි බවයි.

තවද ගිනිකොන දිග ඉන්දියාවේ නිපදවෙන ජල විදුලිය බංගලාදේශය හා පකිස්තානය ඔස්සේ ඇෆ්ගනිස්ථානය වෙත ලබාදිය හැකි පද්දතියක් ඇති කළ හැකි යැයිද ඔහු පැවසීය.

බල ශක්තියෙන්ද සාක් කලාපයේ රටවල් එකමුතුවීම යනු දැනට කලාපයේ රටවල් අතර ඇති සබඳතා තවත් ශක්තිමක් වීම බව ඔහු කීය.

ඉන්දියාවේ සිට ශී‍්‍රලංකාව දක්වා මුහුද යටින් එළෙන අධිබල විදුලි රැුහැනක් සම්බන්ධවද මේ වන විට සැළසුම් සකස් කර ඇත.