ලන්ඩන් විහාරයෙන් අභිධර්ම පන්ති

බෞද්ධ දර්ශනය සහ මනෝවිඥානය විග්‍රහකෙරෙන අභිධර්ම පාඨමාලාව මේවසරෙත් සැප්තැම්බර් මස 24 වැනිදා සිට ලන්ඩන් බෞද්ධ විහාරයේදී පැවැත්වෙයි.

සති 10 කදී මෙම පාඨමාලාව මෙහෙයවන්නේ රිචඩ් ජෝන්ස් විසිනි. මේ සඳහා කිසිදු අයකිරීමක් නොකෙරේ. දෛනික විය පැහැදම් සඳහා හැකි අන්දමකින් සම්මාදම්විය හැකිය.

අභිධර්ම පාඨමාලාව පැවැත්වෙන්නේ ඉංග්‍රීසි භාෂාවෙනි. බුදු දහමේ වඩාත් බුද්ධිමය අභියෝගයන් ඇතුළත් අභිධර්ම දේශනාව තුළින් මනස සහ චෛතසික ක්‍රියාවලිය විස්තරකෙරෙන අතර මෙම පාඨමාලාව මනෝවිඥානය පිලිබඳ උනන්දුවක් දක්වන්නන් උදෙසා සකස් කර ඇති බව මේ පිළිබඳ අදහස් දැක්වූ ලන්ඩන් බෞද්ධ විහාරාධිපති බෝගොඩ සීලවිමල නාහිමියෝ පැවසුහ.

මේ පිලිබඳ සියලු විස්තර ලන්ඩන් බෞද්ධ විහාරයෙන් ලබාගත හැක. පන්ති පැවැත්වෙන මුල් දිනය වන සැප්තැම්බර් මස 24 වැනිදා විහාරස්ථානයට පමිණ පන්ති සඳහා ලියාපදිංචි විය හැකිය.