එංගලන්තයේ ලැංකෂයර් ප්‍රාන්තයේ ක්ලිත්රෝ හි පැවැති ලීග් ක්‍රිකට් තරගයකදී වාර්තා පොත් අලුත් කරමින් පන්දුවාරයකදී හයේ පහර හයක් එල්ල කිරීමට ශ්‍රී ලාංකිකයකු වන ජනක ගුණරත්න සමත් විය.

ඔහු එම තරගය ක්‍රීඩා කළේ ලැංකෂයර් කුසලානය වෙනුවෙන් ක්ලිත්රෝ කණ්ඩායමටය. ප්‍රතිවාදී කණ්ඩායමේ ජෝර්ඩ්න් බ්‍රිට්ක්ලිෆ්ගේ පන්දුවක් හමුවේ තමා මුහුණ දුන් දෙවැනි පන්දුවෙන්ම පන්දුව කෙලින්ම කඩුල්ලේ වැදී දැවී ගියද ඔහු යැවූ පන්දුව නිපන්දුවක් වීම හේතුවෙන් ඔහුට පිටියේ රැඳී සිටීමේ වාසනාව උදාවිය.

එම තරගයේදී නොදැවී ලකුණු 79 ක් ලැබූ ජනක ගුණරත්න ක්ලිත්රෝ ඉනිමේ අවසන් පන්දුවාරය යැවූ ඉයන් බ්‍රිට්ක්ලිෆ්ගේ පන්දුවාරයට හයේ පහර හයක් එල්ල කිරීමට සමත්විය.