වොෂින්ටන්හිදීය (රොයිටර්)

ලෝක වෙළෙඳ සංවිධානය ප‍්‍රගතියක් පෙන්නුම් නොකළහොත් ඇමෙරිකා එක්සත් ජනපදය ඉන් ඉවත් කරගන්නා බව ජනාධිපති ඩොනල්ඞ් ට‍්‍රම්ප් අවධාරණය කරයි.

බ්ලූම්බර්ග් පුවත් සේවය සමඟ සම්මුඛ සාකච්ඡාවකට එක්වෙමින් ඇමෙරිකා ජනාධිපතිවරයා එම අනතුරු ඇඟවීම කර ඇත.

ඇමෙරිකා ජනාධිපති ට‍්‍රම්ප් පසුගිය කාලයේදී දිගින් දිගටම ලෝක වෙළෙඳ සංවිධානය විවේචනය කළේය. ජනාධිපති ට‍්‍රම්ප් එලෙස ඇමෙරිකාව ලෝක වෙළෙඳ සංවිධානයෙන් ඉවත් කරගත හොත් එය නූතන වෙළෙඳ පද්ධතියේ පදනමට හානි කරනු ඇත. ඇමෙරිකා එක්සත් ජනපදය යනු ලෝක වෙළෙඳ සංවිධානය නිර්මාණය කිරීමේදී ප‍්‍රමුඛත්වය ගත් රටකි. 

‘‘ඔවුන් ප‍්‍රගතියක් පෙන්නුම් කළේ නැත්නම්, මම ලෝක වෙළෙඳ සංවිධානයෙන් ඉවත් වෙනවා’’ ට‍්‍රම්ප් කීය. 

ගෝලීය වෙළෙඳාම තුළ දී ඇමෙරිකාවට අසාධාරණකම් රැසක් සිදුව ඇති බවත් එසේ කිරීමට ඉඩ දීම සම්බන්ධයෙන් ලෝක වෙළෙඳ සංවිධානය එහි වගකීම බාරගත යුතු බවත් ඩොනල්ඞ් ට‍්‍රම්ප් කිහිප අවස්ථාවකදීම චෝදනා කළේය. 

( 055)