මෙම 2022 වසරේ ‘කොවිඩ් 19’ වසංගතයෙන් මිදීමට හැකිවන්නේ, ලෝකය එකමුතු වී කටයුතු කළහොත් පමණක් බව තමන්ගේ විශ්වාසය යැයි ලෝක සෞඛ්ය සංවිධානයේ ප්රධානී ටෙඩ්රෝස් ඇඩ්හොම් ගෙබ්රියේසිස් කියයි.
මේ වනවිට රටවල් බොහොමයක් ‘බූස්ටර්’ එන්නත් ලබා දීම ආරම්භ කර ඇති බවත්, ඊශ්රායලය සිවුවැනි එන්නත් මාත්රාවක් ද ලබා දීම ආරම්භ කර ඇති බවත් පෙන්වා දෙමින්, ලෝක සෞඛ්ය සංවිධානයේ ප්රධානියා පැහැදිලි කළේ, තවමත් පළමු හෝ දෙවැනි එන්නත් මත්රා ලබා නොගත් බොහෝ දෙනකු සිටින බවය. එයින් ද වැඩිදෙනා අප්රිකා රටවල වැසියන් බව ද හෙතෙම පෙන්වා දුන්නේය.
‘මෙම 2022 වසරේ කොවිඩ් 19 වසංගතයෙන් මිදීමට නම්, එන්නත් සමානව ලොව පුරා බෙදී යෑමක් සිදුවිය යුතුයි. තවමත් දිළිඳු රටවල් බොහොමයක වැසියන්ට පළමු සහ දෙවැනි එන්නත් ලැබී නැහැ. ඒ, එම රටවලට ප්රමාණවත් එන්නත් නොලැබීම නිසයි. පළමු හෝ දෙවැනි එන්නත් ප්රමාද වෙද්දී, කොවිඩ් 19 වයිරසයේ තවත් විකෘති නිර්මාණය වේවි. එය වළක්වා ගැනීමට සියලු දෙනා උනන්දු විය යුතුයි.’ යැයි ලෝක සෞඛ්ය සංවිධානයේ ප්රධානියා ජිනීවා නුවර පැවැති මාධ්ය හමුවකට එක් වෙමින් පෙන්වා දී ඇත.
මේ වනවිට ලොව කලඹන ‘ඔමික්රෝන්’ නමැති ‘කොවිඩ් 19’ විකෘතිය නිර්මාණය වී ඇත්තේ එන්නත් ලබා නොගත්, ‘කොවිඩ් 19‘ මුල් ප්රභේදය ආසාදනය වූ ඒඩ්ස් ආසාදිතයකු හරහා යැයි දකුණු අප්රිකා වයිරස විශේෂඥයන් අනාවරණය කර ගෙන තිබේ.
ජගත් වයිරස විශේෂඥයන් පෙන්වා දෙන්නේ, ‘කොවිඩ් 19’ වයිරසය විකෘති වී නව වයිරස ප්රභේද නිර්මාණය වීම වළක්වා ගැනීම කළ හැකි වන්නේ එන්නත්කරණය හරහා බවය.
මේ වනවිට ඇමෙරිකාව, ප්රංශය ආදී බටහිර රටවල් අප්රිකා රටවලට එන්නත් ප්රදානය සිදු කරයි. ඊට අමතරව, ලෝක සෞඛ්ය සංවිධානය ද ඔවුන්ගේ ‘කොවැක්ස්’ වැඩසටහන යටතේ එන්නත් නොමිලේ ලබා දීම සිදු කරයි. එසේ වුවත් ප්රමාණවත් අන්දමින් එන්නත් ලොව සෑම කෙනකුට ලැබී නොමැත.
(රොයිටර්)
පැවති 7 වන ගෝලීය ව්යාපාර නායකත්ව සංසදයේදී, ලෝක සාමය සහ රාජ්ය තාන්ත්රික සංවිධානය (WPDO) වෙතින් තිරසාරභාවය සහ සාමය සඳහා වූ සුවිශේෂී දායකත්වය වෙනුවෙන් මොහ
NSBM හරිත සරසවිය මැයි 17 සහ 18 යන දෙදින පවත්වන ’’NSBM Open Day’’ සමඟ මහජන ප්රදර්ශනය සඳහා විවෘත වේ.
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටවල් එකමුතු වුණොත් කොරෝනා පැරදිය හැකියි