කේට් හා විලියම් දෙපළ තම දෙවන දරුවා බලාපොරොත්තුවෙන් පසුවන බව දැනුම් දී සති තුනක් ගතවන විට ලොව පුරා වැසියන් මෙම උපදින්නට සිටින දරුවාට තබන නම ගැන ඩොලර් දහස් ගණනින් ඔට්ටු අල්ලමින් සිටියි.

බොහෝ දෙනා අනුමාන කරන්නේ දෙවන දරුවාට ඩයනා කුමරියගේ නම සම්බන්ධ කරගෙන නමක් තබනු ඇති බවයි.

ඩයනාගේ ජීවිත කතාව ලියූ ඇන්ඩෘෘ මෝටන් පවසන්නේ උපදින දරුවා ගැහැණු දරුවකු වුවහොත් ඇයට එළිසබෙත් ඩයනා වින්ඩ්සර් යන නම තබනු ඇතැයි යනුවෙනි. 

විලියම්ගේ මව වූ ඩයනා කුමරියට ගෞරව පිණිස මෙවැනි නමක් තබනු ඇතැයි ද වාර්තා වී ඇත.