ලබන වසරේ සිට යුරෝපයේ වයස අවුරුදු 16ට අඩු ළමයින්ට ෆේස්බුක් ඇතුළු අන්තර්ජාල පණිවිඩ යැවීම තහනම් කිරීමට තීරණය කර ඇතැයි විදෙස් මාධ්‍ය පවසයි. දෙමාපියන්ගේ අනුමැතියකින් තොරව දරුවන්ට කිසිදු ලෙසකින් ෆේස්බුක් වෙත ඇතුල්වීමට හා අන්තර්ජාල පණිවිඩ හුවමාරු ක්‍ර‍ම භාවිතා කිරීම තහනම් කිරීමට තීරණය කර ඇතැයි බීබීසී පුවත් සේවය පවසයි.

මෙයට හේතුවී ඇත්තේ යුරෝපයේ ළමයින්ගේ අන්තර්ජාල භාවිතය හා එයින් සිදුව ඇති අහිතරක බලපෑම් පිළිබද අධ්‍යයන කරමින් විද්වත් කමිටුවක් විසින් ලබාදුන් නිර්දේශ කිහිපයකි.

මේ දක්වා යුරෝපයේ රටවල අන්තර්ජාල ක්‍රියාකාරකම් සදහා අනුමැතිය ලබාදෙන වයස වන්නේ අවුරුදු 13 කි. ඒ අනුව තව නොබෝ දිනකින් එම වයස අවුරුදු 16ක් දක්වා දීර්ඝ කෙරෙනු ඇත.