තම ස්වාධීන විදෙස් ප්‍රතිපත්තිය කිසිදු අවස්ථාවකදී වෙනස් නොකරන බවත් තම අසල්වාසීන්ගේ පීඩනයට නතු නොවන බවත් කටාර් විදේශ අමාත්‍යවරයා අල් ජසීරා පුවත්සේවයට ප්‍රකාශ කර තිබේ.

සෞදි අරාබිය, බහරේනය, ඊජිප්තුව සහ එක්සත් අරාබි එමීර් රාජ්‍යය ප්‍රමුඛ රටවල් කිහිපයක් කටාරය සමඟ තිබෙන රාජ්‍ය තාන්ත්‍රික සබඳතා පහත හෙළීමට කටයුතු කිරීමත් සමඟ මෙම අර්බුදකාරී තත්ත්වය නිර්මාණය වූ අතර කටාරය ත්‍රස්තවාදයට සහ ඉරානයට දැඩි පක්ෂපාතීත්වය දක්වනට බවට එම රටවල් චෝදනා කළේය.

කෙසේ නමුත් එම චෝදනා පදනම් විරහිත බව කටාර් රාජ්‍යය දිගින් දිගටම ප්‍රකාශ කරයි.

“අපි යටත් වෙන්න සූදානම් නැහැ. ඒ වගේම කිසිදු අවස්ථාවකදී අපි යටත් වෙන්නේ නැහැ. ඒ වගේම අපි අපේ ස්වාධීන නිදහස් විදෙස් ප්‍රතිපත්තිය වෙනස් කරන්නෙත් නැහැ” යැයි කටාරයේ විදේශ අමාත්‍ය ෂීක් මොහොමෙද් බින් අබ්දුල් රහ්මාන් මහතා පැවැසීය.

(අල් ජසීරා ඇසුරිණි-055)