(බුවනෝස් අයර්ස්හිදීය (රොයිටර්ස්)
 
රුසියාව යුක්රේන නාවික යාත්‍රා සහ නාවිකයන් නිදහස් කළ යුතු යැයි  බ්‍රිතාන්‍ය අගමැතිනි තෙරේසා මේ පැවැසුවාය. 
 
රුසියාව පසුගිය ඉරිදා යුක්රේනයට අයත් නාවික යාත්‍රා තුනක් ඔවුන්ගේ ග්‍රහණයට ගත්තේය. රුසියාව තම නාවික යාත්‍රාවලට වෙඩි තැබූ බවත් නාවිකයකු තුවාල බවත් යුක්රේනය රුසියාවට චෝදනා කළේය.

යුක්රේන යාත්‍රා නිදහස් කිරීමට පියවර නොගතහොත් රුසියාවට සම්බාධක පැනවීමට පසුබට නොවන බව ද බ්‍රිතාන්‍යය අගමැතිනිය සඳහන් කළාය. 

යුක්රේන යාත්‍රා ආරක්ෂක අංශවල අණ නොතක තම මුහුදු සීමාවට ඇතුළ් වූ බවත් ඔවුන් පාලනය කිරීම සඳහා වෙඩි තැබීමට සිදු වූ බවත් චෝදනා ප්‍රතික්ෂේප කරමින් රුසියාව පැවැසීය. 
 
රුසියාව 2014 වසරේදී යුක්රේනයට අයත් කීව් අර්ධද්වීපය අල්ලාගත්තේය. එතැන් පටන් දෙරට අතර සබඳතා පළුදු වූ අතර සෑම අවස්ථාවකදීම එකිනෙකාට චෝදනා කරගත්තේය.
 
මෙවර ඔවුහු එකිනෙකාට චෝදනා කරගනිති.
 
“මෙය රුසියාවේ හැසිරීමේ කොටසක්. ඔවුන් යාත්‍රා සහ නාවිකයන් නිදහස් කළ යුතුයි. රුසියාව තත්ත්වය සමථයකට පත් කළ යුතු” යැයි අගමැතිනිය සඳහන් කළාය.
 
වාර්තාකරුවන් හමුවේ ඇය එම කරුණු කීවාය. 
 
බ්‍රිතාන්‍යය අගමැතිනිය ජී 20 සමුළුවට සහභාගී වීම සඳහා ආර්ජන්ටිනාවේ බුවනෝස් අයර්ස් වෙත පැමිණි සිටින අතර රුසියානු ජනාධිපති ව්ලැදිමීර් පුටින් ද ඊට සහභාගී වීමට නියමිතය. 
 
 
(055)