මාලදිවයින් ජනපති අබ්දුල්ලා යමීන් ඝාතනයට තැත් කළේ යැයි සැකපිට එරට නියෝජ්‍ය ජනපති අහමඩ් අබීබ් අත්අඩංගුවට ගැනීමට මාලදිවයින් බලධරයෝ ඊයේ (24) කටයුතු කළහ.

සිංගප්පූරුවේ සංචාරයක නිතරව සිටි අගමැති අහමබ් යබීබ් මාලදිවයිනට පැමිණි වහා අත්අඩංගුවට ගැනුණු අතර ඔහු පිළිගැනීමට පෙරමග බලා සිටි ඔහුගේ ආධාරකරුවන්වද විසිරුවා හැරිණි.

හදිසි තත්ත්වයක් ඇතිවුවහොත් අවශ්‍ය පියවර ගැනීමට පොලිසිය හා ආරක්ෂක අංශ සීරුවෙන් සිටියහ.

ගෙවුණු සැප්තැම්බර් මස ජනපති අබ්දුල්ලා යමීන් ගමන් කරමින් සිටි අධිවේගී මෝටර් බෝට්ටුවක පිපිරීමක් සිදුවිය.පිපිරීමෙන් ජනපතිවරයාට කිසිදු හානියක් සිදුනොවුනි.

පිපිරීම ජනපතිවරයා ඝාතන තැතත් විය හැකියැයි එරට ආරක්ෂක අංශ සැකකරයි.

සිදුවීම සම්බන්ධයෙන් නියෝජ්‍ය ජනපතිවරයාගේ සම්බන්ධයක් පවතීද යන්න පිළිඹඳ ඔහුගෙන් සිදුකෙරෙන ප්‍රශ්න කිරීම් වලින් සොයාබැලෙන බව මාලදිවයින් බලධාරීහු කියති.

 

.