මියන්මාරයේ මීළඟ මුදල් ඇමතිවරයා වශයෙන් පත් වීමට නියමිත බව කියන ජෝ කිව් හොර උපාධියක් සහිත පුද්ගගලයකු බවට තහවුරු වී ඇතැයි විදෙස් මාධ්‍ය වාර්තා කරයි.

ඒ බව හෙතෙම පිළිගෙන ඇති බව ද බීබීසී වාර්තා කරයි.

තමාට මූල්‍ය කටයුතු පිළිබඳ උපාධියක් ඇතැයි ඔහු ඉදිරිපත් කර තිබිණි.

පකිස්ථානයෙන් නිකුත් කළ බව කියන එම උපාධිය බ්රුක්ලින් පාර්ක් විද්‍යාලයකින් මෙලෙස විකුණා ඇතැයි කියති.

මියන්මාර නව ආණ්ඩුව පිහිටුවන පක්ෂය විසින් ඔහුගේ දත්ත ප්‍රසිද්ධියට පත් කිරීමෙන් පසු මේ බව හෙළි වී තිබේ.

කෙසේ ඔහුට උපාධියක් නැතැයි හෙළි වීම තනතුරට බාධාවක් නොවනු ඇති බව ද සදහන්ය.