ඊශ්‍රායලයට ආසන්න මුහුදෙන් වසර 1000ට වැඩි කාලයක් පැරණි රන් කාසි 2000ක් සොයාගෙන ඇතැයි විදෙස් මාධ්‍ය පවසයි. මේ රන් කාසි හමුවී ඇත්තේ මධ්‍යධරණී මුහුදේ පැරණි කයිසරියා වරාය පැවතියේ යැයි විශ්වාස කරණ ප්‍රදේශයේ කරණ ලද ගවේෂණයකිනි. ඊශ්‍රායලයෙන් මෙතෙක් හමුවී ඇති විශාලතම රන්කාසි තොගය මෙය බව එරට පුරාවිද්‍යාඥයෝ කියති. තවදුරටත් මේ කාසි තොගයේ ඇති පුරාවිද්‍යාත්මක වටිනාකම් ගැන ගවේෂණය කරණ බව ද ඊශ්‍රායලයේ පර්යේෂකයෝ කියති.

හමුවී ඇති කාසි විවිධ වටිනකම්වලින් යුතු බවත් ඒවා හොඳින් ආරක්ෂා වී ඇති බවත් සමුද්‍ර අධිකාරිය පවසයි.

මේ කාසි තොගය සොයාගෙන ඇත්තේ කිමිදුම් කරුවන් පිරිසක් විසිනි. ඊශ්‍රායල් සමුද්‍ර පුරාවිද්‍යා අධ්‍යක්ෂ කොබී ෂාර්විට් පවසන්නේ ඒවා නිසි ලෙස බලධාරීන්ට භාරදීම සම්බන්ධයෙන් කිමිදුම් කරුවන් කණ්ඩායමට ස්තූතිකරණ බවයි. එමෙන් ම ඔහු ආදර්ශවත් පුරවැසියන් බව ද ඔහු පවසා ඇත.