ශ්‍රී ලංකාවට මෙන්ම ලොව බොහෝ රටවලට දිස්වන පූර්ණ චන්ද්‍රග්‍රහණයක් අද (7) රාත්‍රියේ දකින්න ලැබේ.

අද රාත්‍රී 8.58 සිට හෙට (08) අලුයම 2.25 දක්වා පැය 5යි මිනිත්තු 27ක පමණ කාලයක් මෙම චන්ද්‍රග්‍රහණය නිරීක්ෂණය කිරීමේ දුර්ලභ අවස්ථාව හිමිවන බව නාසා ආයතනය නිකුත් කළ නිවේදනයක දැක්වෙයි.

පුර්ණ චන්ද්‍රග්‍රහණය සම්පූර්ණයෙන් දිස්වීම අද රාත්‍රී 11.01  සිට හෙට (8 )අලුයම 12.22ක් දක්වා කාලය තුළ සිදුවන බවද සඳහන් වෙයි. මෙහිදී සඳ රතු පැහැ ගැන්වෙනු ඇති බව ද නාසා ආයතනය වැඩි දුරටත් පවසා ඇත.

මෙම චන්ද්‍රග්‍රහණය පූර්ණ වශයෙන් හෝ අර්ධ ග්‍රහණයක් වශයෙන් සියයට 85ක් පමණ ලෝක ජනතාවට දිස්වනු ඇත.