නවසීලන්ත දූපත් රාජ්‍යයේ දකුණු දූපත් ආසන්නයේ භූමි කම්පාවක් හටගත්තේය. එහි ප්‍රබලත්වය රික්ටර් පරිමාණයේ ඒකක 6.2 ක් ලෙස සටහන් විය.

නවසීලන්තයේ වේලාවෙන් උදෑසන 9.20 ට පමණ භූමි කම්පාව හටගත් බවත්, එහි බලපෑම බොහෝ ප්‍රදේශවලට දැනුණු බවත් විදෙස් මාධ්‍ය පවසයි.

භූමි කම්පාවෙන් සිදුවුණු ජීවිත හෝ දේපොල හානි ගැන මෙතෙක් වාර්තා වී නැත. නවසීලන්තය පිහිටා ඇත්තේ භූ තැටි මායිමකට ඉහළිනි. එහෙයින් භූමි කම්පා හට ගැනීම ස්වභාවිකය.