ඇමරිකාවේ නිව්යෝර්ක්  නුවර බ්‍රොන්ක්ස්හි මහල් නිවාසයක ඇති වූ ගින්නකින් 12දෙනකු මියගොස් හතර දෙනකු තුවාල ලබා ඇති බව වාර්තා වේ. පොලිසිය පවසන්නේ තුවාල ලැබූවන් බරපතල තත්වයේ පසුවන බවයි. මියගිය අය අතර  කුඩා දරුවන් හතරදෙනකු ද සිටින බව පැවසේ.
 
ගින්න මැඩපැවැත්වීම සඳහා ගිනිනිවන සේවකයන් 160ක් පමණ යොදාගෙන ඇති අතර මෙය මෑත ඉතිහාසයේ නිව්යෝර්ක් නගරයේ ඇතිවූ දරුණුතම ගින්න බව නගරාධිපති බිල් දි බ්ලාසියෝ පවසයි.
 
ගොඩනැගිල්ලේ සිරවී සිටි 12දෙනකු බේරාගත් බවද ගින්නට හේතුව සොයා පරීක්ෂණ දියත් කර ඇති බවද පොලිසිය පවසයි.
 
වසර 100ක් පමණ පැරණි මෙම ගොඩනැගිල්ලේ නිවාස 26ක් පමණ පිහිටා තිබූ බව මාධ්‍ය වාර්තා කර ඇත.
 
(රොයිටර් පුවත් ඇසුරිණි - 085)