නයිජීරියාවේ හිටපු ජනාධිපති මුහම්මාදු බුවාරි ලන්ඩන් නුවර දී අභාවප්‍රාප්ත විය. ඔහුගේ වයස අවුරුදු 82 කි. බුවාරි වසර ගණනක් තිස්සේ රෝගීව සිටි බව ද පැවැසෙයි.

2015 වසරේ දී මුහම්මාදු බුවාරි නයිජීරියාවේ බලයවට පැමිණියේ විපක්ෂ නායකයා ලෙසය. ඒ, වසර ගණනාවක් නයිජීරියාවේ ජනාධිපති ලෙස කටයුතු කළ ගුඩ්ලක් ජොනතන් පරාජය කරමිනි. 

මුහම්මාදු බුවාරි හමුදා ජනරාල්වරයෙකි. ඔහු සිවිල් වැසියකු ලෙස දේශපාලනයට පිවිසියේ, නයිජීරියාවේ ප්‍රජාතන්ත්‍රවාදය ස්ථාපිත කරමිනි. ඔහු නයිජීරියාවේ ආර්ථික සහ දේශපාලන ප්‍රතිසංස්කරණ රැසක් ඇති කළේය. ‘මම හැමෝටම අයිති කෙනෙක්, මම කාටවත් අයිති නැහැ’ යනුවෙන් ඔහු නිතර ප්‍රකාශ කළේ නයිජීරියාවේ මුල් බැසගත් දේශපාලන බෙදීම් අවසන් කරමිනි.