මැරෙන දවස ගැන අනාවැකි කිව හැකි මෘදුකාංගයක් ගිස්ට් නම් ඇමරිකා සමාගමක් නිපදවා ඇත.

දැනට ඇපල් අයිපෝන් උපාංගයන් හා පමණක් භාවිතා කළ හැකි මේ මෘදුකාංගය නම් කර ඇත්තේ ‘‘ඩෙඞ්ලයින්‘‘ ලෙසය.

ඇපල් අයිපෝන් උපාංගයන්ගේ ඇති පරිශීලකයාගේ සෞඛ්‍ය තත්ත්වය මැන බලන මෘදුකාංගයකින් ලබාගන්නා දත්ත ඇසුරින් මරණයට පත්වන දිනය ගණනය කර පෙන්වීමට මෙය සමත්ය.

‘‘ඔබ අප සෑම දෙනාම මරණයට පත්වනවා.නමුත් ඔබ මරණයට පත්වන්නේ කවදාද කියා ඔබ දන්නවානම්? හොද සෞඛ්‍ය පුරුදු අනුගමනය කරන්න ඔබ පෙළඹෙනවාද?‘‘ ලෙස මෘදුකාංගය පිළිඹද හඳුන්වාදීමක්ද කර තිබේ.

නිර්මාපකයින් පවසන්නේ අයිපෝන් උපාංගයෙන් ලබාගන්නා එහි පරිශීලකයාගේ රුධිර පීඩනය,උස,නින්ද ආදී දත්තයන් විශ්ලේෂණය කර මරණයට පත්වන දිනය ආසන්න වශයෙන් ගණනය කිරීම මෙම මෙයින් සිදුවන බවයි.

අවුරුදු, මාස, දින, පැය, මිනිත්තු, තත්තපර ආදී ලෙස මියයන දවස ඩෙඞ්ලයින් මෘදුකාංගයෙන් දර්ශනය කෙරේ.

කෙසේනමුත් මෙයත් එක්තරා ආකාරයක අනාවැකි කියන මෘදුකාංගයක් පමණක් බවත් මෙයින් කියැවෙන දේ පමණට වඩා විශ්වාස කළ යුතු නැති බවත් විද්වත්හු කියති.

1414755607498_wps_34_screen520x924_jpeg