දකුණු කොරියාවේ හිටපු ජනාධිපතිවරයකු වන මූන් ජේ-ඉන් අල්ලස් චෝදනා මත අධිකරණයට ඉදිරිපත් කළ බව එරට  වාර්තා කළේය. මේ බව මූන් ජේ-ඉන්ගේ නීතීඥවරුන් ද තහවුරු කර ඇත.

‘දකුණු කොරියානු ප්‍රජාතන්ත්‍රවාදී පක්ෂයය’ නියෝජනය කළ මූන් ජේ-ඉන්, 2017 සිට 2022 දක්වා ජනාධිපති ධුරය හෙබවීය. මූන් ජේ-ඉන්, ජනපති ධුරය හොබවද්දී, ඔහුගේ බෑණා තායිලන්ත ගුවන් සමාගමේ සේවයට බඳවා ගැනීමට පහසුකම් සැලසීම සම්බන්ධයෙන්, වොන් මිලියන 217 (ඇමරිකානු ඩොලර් 150,000) ක අල්ලසක් ලබා ගත් බවට චෝදනා එල්ල වී ඇති අතර, අධිකරණයට ඉදිරිපත් කෙරුණේ එම චෝදනා සම්බන්ධයෙනි.

දකුණු කොරියානු ජනපතිවරුන්​ට එරෙහිව පසුගිය කාලයේ නීතිය ක්‍රියාත්මක වූ අතර, අවසන් වරට ජනාධිපති ධුරය හොබවමින් සිටි යූන් සුක් යොල්ට එරෙහිව නඩු පැවැරීමක් සිදුවූයේ ඔහු යුද නීතිය ක්‍රියාත්මක කිරීමට උත්සහ කළ බැවිනි.

අධිකරණය හමුවේ යූන් සුක් යොල්ගේ ජනාධිපති ධුරය අහෝසි වුණු අතර, දකුණු කොරියාවේ ජනාධිපතිවරණය ලබන ජූනි 3 වැනිදා පැවැත්වීමට නියමිතය.

ඇමෙරිකන් ජනාධිපති ඩොනල්ඩ් ට්‍රම්ප් සිය පළමු ධුර කාලයේ, උතුරු කොරියානු නායක කිම් ජොන් උන් හමුවී සාකච්ඡා කළේය. එම හමුවට මඟ පාදා දුන්නේ මූන් ජේ-ඉන් ය.