තෙල් සහ ගෑස් කැණීම් සඳහා ඉන්දියාව තෙවැනි වරටත් මිල ගණන් කැඳවා ඇතැයි එරට රජය නිකුත් කළ වාර්තාවක දැක්වේ.
 
 ඕ.ඒ.එල්.පී ප්‍රතිපත්ති ක්‍රමවේදය යටතේ එම මිල ගණන් කැඳවා තිබේ. වර්ග කිලෝමීටර 32,000ක් ආවරණය වන පරිදි කොටස් 23 කට එලෙස මිල ගණන් කැඳවා තිබෙන අතර ස්වභාවික ගෑස් උකහා ගැනීම මෙහි අරමුණ වී තිබේ. 
 
 වසර 2019 න් අවසන් වන වසර දෙකක කාලයේදී කැණීම් කරන සම්පූර්ණ අක්කර ප්‍රමාණය වර්ග කිලෝමීටර 300,000 මෙන් තුන් ගුණයක් වනු ඇතැයි ද පැවසේ. 
 
 තෙවැනි වර මිලදී ගැනීම්වලින් රජය ඇමෙරිකානු ඩොලර් මිලියන 700ක මුදලක් උපයා ගැනීමට බලාපොරොත්තු වේ. 
 
 ඉන්දියාවේ කර්මාන්ත සඳහා තෙල් මිලදී ගන්නේ විදේශවලිනි. වසර 2022 වෙද්දි විදේශවලින් ආනයනය කරන තෙල් ප්‍රමාණය සියයට 67ක් දක්වා අඩු කිරීම ඉලක්කය යැයි ඉන්දීය අග්‍රාමාත්‍ය නරේන්ද්‍ර මෝදි පවසා තිබේ. මේ අනුව ඉන්දියාව තුළ ගවේෂණ හා කැණීම් සිදු කරමින් තෙල් හා ගෑස් නිෂ්පාදනය කිරීමට ඉන්දියාව බලාපොරොත්තු වේ. 
 
 
ඒ සඳහා 1990 වසරේ සිට ප්‍රධාන පෙළේ ගෝලීය තෙල් සමාගම්වලට බලපත්‍ර ලබාදීමට ඉන්දියාව උත්සාහ කළ ද ඒ සියල්ල අසාර්ථක විය. මූල්‍ය සීමා හා කොන්දේසි ඉවත් කරමින් ඉන්දියාව ගෝලීය සමාගම් ආකර්ෂණය කරගැනීමට උත්සාහ කළ ද ඒ කිසිවක් සාර්ථක නොවීය. 
 
රොයිටර් ඇසුරිනි 
 
(055)