ඩුබායි අල් ගර්හුඩ්හිදී නව භාවනා මධ්‍යස්ථානයක් මේ මස 29 වැනි සිකුරාදා පෙරවරු 9.30 ට විවෘත කිරීම සඳහා "ශ්‍රී ලංකාරාම භාවනා මධ්‍යස්ථාන දායක කමිටුව" කටයුතු යොදා ඇතිබව දායක කමිටුව වෙනුවෙන් සුරනාත් කාලිංග කියයි.

මැදපෙරදිග රටක බෞද්ධ භාවනා මධ්‍යස්ථානයක් ආරම්භකෙරෙන ප්‍රථම අවස්තාව මෙයයි.

භාවනා නධ්‍යස්ථානය ආරම්භ කිරීමේ සමාරම්භක පිංකම පැවැත්වෙන්නේ තලවතුගොඩ ශ්‍රී ඥානාරාම භාවනා මධ්‍යස්ථානාධිපති පුජ්‍ය මීරහවත්තේ පඤ්ඤාසිරි හිමියන්ගේ අනුශාසකත්වයෙනි.

"මව්බිමෙන් සැතපුම් දහස් ගණනක් දුර බැහැර රටක ජීවත්වන බෞද්ධයන් හැටියට අප සියලුම දෙනාගේම අධ්‍යාත්මික ගුණවගාව වර්ධනය කිරීම අරමුණ කොට ඒසඳහා අවශ්‍ය මඟ පෙන්වීම සැපයීම අපගේ මුලික අරමුණ" බව කාලිංග පවසයි.

අංක 38 ඒ 29 වීදිය, අල් ගර්හුඩ් පෙදෙස, ඩුබායි නව භාවනා මධ්‍යස්ථානයේ ලිපිනයයි. පිංකම සහ භාවනා පන්ති පිළිබඳවත් අනෙකුත් විස්තරත් 0506351774 යන දුරකථන අංකයෙන් ලබාගත හැකි බවත් ඔහු කියයි.