ඇමෙරිකන් ජනාධිපතිවරණයේ ප්‍රතිඵල නිකුත් වෙද්දී, බොහෝ දෙනා අනාවැකි පළ කළ ආකාරයට තියුණු සටනක් පැවැතියත්   අවසානයේ දී ඩිමොක්‍රටික් පක්ෂ ජනාධිපති ධුර අපේක්ෂිකා කමලා හැරිස් පරාජය කරමින්, ඉලෙක්ටෝරල් කොලේජ් ඡන්ද  270 සීමාව පසු කිරීමට රිපබ්ලිකන් ජනාධිපති ධුර අපේක්ෂක ඩොනල්ඩ් ට්‍රම්ප් සමත් විය. 

කමලා හැරිස්, ඩිමොක්‍රටික් පාක්ෂිකයන් අමතමින් විශේෂ කතාවක් පැවැත්වීමට සූදානමින් සිටිය ද ට්‍රම්ප් ජයග්‍රහණය කිරීමත් සමඟ ඒ සියල්ල අවලංගු කිරීමට ද කමලා හැරිස් කටයුතු කළාය.

මැතිවරණ කටයුතු ආ ආරම්භ වූ දා සිට කමලා හැරිස් කියා සිටියේ ට්‍රම්ප් ඇමෙරිකාවේ ප්‍රජාතන්ත්‍රවාදයට තර්ජනයක් බවත්, ට්‍රම්ප් යළි ජනාධිපති ධුරයට පත්වුවහොත් ඇමෙරිකාවේ ප්‍රජාතන්ත්‍රවාදය වළපල්ලට යනු ඇති බවය.

ඇමෙරිකානු ඉතිහාසයේ පළමු උප ජනාධිපතිනිය වන 60 හැවිරිදි කමලා හැරිස් ජයග්‍රහණය කළේ නම්, ඇය ඇමෙරිකානු ජනපති ධුරයට පත්වන පළමු කාන්තාව, පළමු කළු ජාතික කාන්තාව, ප්‍රථම ඉන්දියානු-ඇමරිකානු සහ පළමු දකුණු ආසියාතික ඇමරිකානුවා බවට පත් වීමට ඉඩ තිබුණි.

(ඒ.එෆ්.පී.)