ඇමෙරිකන් නාවික හමුදාව, එරට සිවිල් වැසියන්ට පිරිනමන ඉහළම ගෞරව සම්මානය හොලිවුඩ් නළු ටොම් කෲස්ට පිරිනැමුවේය. ඒ, ජනප්‍රිය මෙන්ම සම්මානනීය නළුවකු ද වන ටොම් කෲස් සිය නිර්මාණ හරහා ඇමෙරිකන් හමුදාවට ප්‍රසිද්ධියක් ලබා දීම ඇගයීමට ලක් කරමිණි.

ටොම් කෲස් ප්‍රධාන චරිත නිරූපණය කළ ‘ටොප් ගන්’ පළමු චිත්‍රපටය තිරගත වූයේ 1986 දීය. එම චිත්‍රපටයෙන් පසු ඇමෙරිකන් තරුණයන් ඇමෙරිකන් හමුදාව සමඟ එක්වීම වැඩි වුණු බව පැවැසෙයි. සම්මාන ප්‍රදානය සිදුවූයේ එංගලන්තයේ සරේ පළාතේ, ලෝංග් ක්‍රොස් චිත්‍රාගාරයේදීය.

නාවික හමුදාව තමන් මේ අයුරින් අගය කිරීම සම්බන්ධයෙන්, තමන් සතුටට පත්වන බවත්, සැබෑ ජීවිතයේ විරුවන් වන්නේ, හමුදා නිලධාරීන් බවත්, ඔවුන් සැමගේ සේවය ප්‍රසංශනීය බවත් ටොම් කෲස් මාධ්‍ය හමුවේ අදහස් දක්වමින් පැවැසීය.

(ඒ.එෆ්.පී.)