ජර්මනියේ මියුනිච් නගරයේ වෙඩි තැබීමක් හේතුවෙන් උණුසුම් තත්වයක් හටගෙන ඇතැයි එරට මාධ්‍ය වාර්තා කළේය.ඇසින් දුටු සාක්ෂි කරුවන්ගේ අදහස් අනුව තුවක්කුකරුවන් තිදෙනෙකු එම වෙඩි තැබීම සිදු කොට තිබේ.

පුද්ගලයින් හය දෙනෙකු ජිවිතක්ෂයට පත්ව ඇතැයි සදහන් වන නමුදු පොලිසිය එම තොරතුරු තහවුරු කොට නොමැත. මෙම තත්වය හේතුවෙන් එම ප්‍රදේශවාසීන්ට මහාමාර්ග සහ ප්‍රසිද්ධ ස්ථාන වලින් ඉවත්ව සිටින ලෙස පොලිසිය දැනුම් දී තිබිණි.  සැකකරුවන් පලායමින් සිටින විටදී පවා වෙඩි තැබීම සිදුවිය හැකි හේතුවෙන් එම දැනුම් දීම සිදු කර තිබේ.

පොලිසිය මෙම සිදුවීම ත්‍රස්ත ක්‍රියාවක් ලෙස හදුන්වා ඇත.   වෙඩි තැබීම සදහා හේතුව මෙතෙක් අනාවරණය වී නොමැත.එම අවස්ථාවේ  නගරයේ වෙළදසැල් වල සිටි අයට ඉන් පිටවී නොයා බොහෝ වෙලාවක් රැදී සිටීමට සිදුවිය.මේ හේතුවෙන් නගරයේ ප්‍රවාහනයද අත්හිටුවා තිබිණි. දුම්රිය ස්ථානයේ සිටි සියලුම පිරිස් ඉන් ඉවත් කෙරිණි. 

 තත්වය පාලනය සදහා පොලිස් භට පිරිස් සහ හමුදා යොදවා තිබේ.