(සීඑන්එන් පුවත් ඇසුරිනි - 085)

චීනයේ නැගෙනහිර මුහුදු තීරයේදී තෙල් නැවක් හා භාණ්ඩ ප්‍රවාහන නෞකාවක් ගැටීමෙන් තෙල් නැවෙහි සිටි නාවිකයන් 32ක් අතුරුදන්ව ඇතැයි චීන රජය පවසයි.
 
අතුරුදන්වූවන්ගෙන් 30දෙනක් ඉරාන ජාතිකයන් වන අතර දෙදෙනක් බංගලාදේශ ජාතිකයන් වේ. 
 
යොන්ට්සේ ගංගා මුවදොරට නාවුක සැතපුම් 160ක් දුරින් අනතුර සිදුවී ඇත. මෙම අනතුරින් සාංචි නම් පැනමාවේ ලියාපදිංචි ‍තෙල් නැව ගිනිගෙන ඇති අතර ඒ වනවිට නැවේ තෙල් ටොන් 136000ක් පටවා තිබූ බව පැවසේ. 
 
නැව දකුණු කොරියාවේ සිට ඉරානය දක්වා ගමන් කරමින් තිබී ඇත. සාංචි නැවේ ගැටුණු භාණ්ඩ ප්‍රවාහන නෞකාවේ සිටි 21දෙනකුගෙන් යුත් චීන ජාතික කාර්ය මණ්ඩලය බේරාගත් බව චීන බලධාරීහු පවසති.
 
නාවික යාත්‍රා අටක් සහ ගුවන් යානා යොදාගෙන සෝදිසි මෙහෙයුම් දියත් කැර ඇති බවද ඔවුහු පවසති.
 
නැව තවමත් ගිනිගන්නා බව මාධ්‍ය වාර්තා කර ඇත.