ඇමෙරිකා එක්සත් ජනපදයේ අමුද්‍රව්‍ය මිල ගණන් ඉහළ යෑම නිසා ගෝලීය වෙළෙඳපොළේ ඉන්ධන මිල ගණන් ඊයේ (30) සියයට දෙකකට ආසන්න අගයකින් ඉහළ ගියේ ය.

ඇමෙරිකා එක්සත් ජනපදයේ තෙල් මිල ගණන් මෙන්ම ආසවන හා පිරිපහදු ක්‍රියාවලියට අදාළ මිල ගණන් ඉහළ යෑම හේතුවෙන් මෙලෙස ගෝලීය වෙළෙඳපොළ තෙල් මිල ගණන් ඉහළ ගියේ ය.

ආර්ථික වර්ධනය මන්දගාමී වනු ඇතැයි මේ වනවිට සැකයක් ද ඇති වී තිබෙන අතර ගෝලීයව බොරතෙල් සැපයුම සම්බන්ධයෙන් ද අවිනිශ්චිත තත්ත්වයක් ඇති වී තිබේ.

බ්‍රෙන්ට් වෙළෙඳපොළේ බොරතෙල් බැරලයක මිල සියයට 1.5කින් ඇමෙරිකානු ඩොලර් 116.26ක් දක්වා පහත වැටුණු අතර එය ඇමෙරිකානු ඩොලර් 1.72ක අඩු වීමකි.

ඇමෙරිකා එක්සත් ජනපදයේ වෙස්ට් ටෙක්සාස් ඉන්ටර්මීඩියට් වෙළෙඳපොළේ බොරතෙල් බැරලයක මිල සියයට 1.8කින් ඇමෙරිකානු ඩොලර් 109.78ක් දක්වා පහත වැටුණු අතර එය ඇමෙරිකානු ඩොලර් 1.98ක අඩු වීමකි.

නව කොරෝනා වයිරස වසංගතය බලපෑ මුල් කාලය වූ 2020 වසරේ අප්‍රේල් මාසයෙන් පසුව පසුගිය සතියේ දී නිෂ්පාදනය ඉහළ ගියේ ය. එසේ වුවත් එම සතියේ දී ඇමෙරිකාවේ බොරතෙල් නිෂ්පාදනයට අවශ්‍ය අමුද්‍රව්‍යවල මිල ගණන් පහළ වැටුණු බව එරට බලශක්ති තොරතුරු පාලනාධිකාරිය සඳහන් කළේ ය.

පිරිපහදුවල ක්‍රියාකාරකම් වැඩි වූ නිසා ඉන්ධන තොග ඉහළ ගිය අතර ධාරිතාවයෙන් සියයට 95ක් දක්වා ඒවායේ කටයුතු සිදු ව ඇත. එය අවුරුදු හතරකින් පසු වාර්තා වූ ඉහළම ක්‍රියාකාරීත්වය යි.

(රොයිටර්)