ගූගල් සිතියම සඳහා ස්ට්‍රීට් වීව් සේවාව ක්‍රියාත්මක කිරීමේදී ඉන්දියාවේ වීදි දර්ශන ඇතුළත් කිරීම වැළැක්වීමට එරට රජය පියවර ගෙන ඇතැයි ඉන්දීය මාධ්‍ය වාර්තා පවසයි.

ඉන්දියාවේ ආරක්ෂාව සම්බන්ධයෙන් ඇති ගැටලු හේතුවෙන් මෙම තීරණය ගෙන ඇතැයි කියති. එරට වීදි, ප්‍රධාන රාජ්‍ය ගොඩනැගිලි, හෝටල් ආදිය විවිධ කෝණයන්ගෙන් ඡායාරූප ගත කිරීමට නියමිතව තිබුණද ඉන්දීය ඔත්තු සේවා පෙන්වා දී ඇත්තේ එය ජාතික ආරක්ෂාවට තර්ජනයක් බවයි.

ලොව තවත් රටවල් කිහිපයක්ද ගූගල් වීදි දර්ශන සඳහා විරෝධය දක්වා ඇතැයි විදෙස් මාධ්‍ය වාර්තා සඳහන් කරයි.

මුම්බායි නුවරට එල්ලවූ ත්‍රස්ත ප්‍රහාරයට පෙර අවට ඡායාරූප ගත කිරීමක් සිදු කර ඇතැයි ඔත්තු සේවා අනාවරණය කරගෙන තිබූ අතර ත්‍රස්තවාදීන්ට සිය ඉලක්ක කරා පහසුවෙන් ළඟාවීමට ගූගල් ස්ට්‍රීට් වීව් ක්‍රමවේදය උදව්වක් බව ඇතැමුන් කියති.