ලෝක කුසලාන පාපන්දු තරගාවලියේ අවසන් මහා තරගය ආජන්ටිනාව සහ ස්පාඤ්ඤය අතරේ පැවැත්වුණු අතර ස්පාඤ්ඤය ලෝක පාපන්දු ශූරයන් බවට පත් විය. 

ඇමෙරිකාවේ නිව්යෝක් නුවර පැවැත්වුණු එම පාපන්දු ලෝක කුසලාන අවසන් මහා තරගය පැවැත්වූයේ, ඉන්දියාවේ වේලාවෙන් අද අලුයමය.

නිදිවරා පාපන්දු ලෝක කුසලානය නැරැඹීමට ඉඩදී, අද (20) දිනයේ කේරළයේ පාසල්වලට විශේෂ නිවාඩුවක් ලබාදීමට කේරළ ප්‍රාන්ත රජය තීරණය කළේය.

කේරළ අධ්‍යාපන බලධාරීන් අද (20) විශේෂ නිවාඩු දිනයක් බවට පත් කළේ මාපියන් කළ ඉල්ලීමකට කන් දෙමින් යැයි ද පැවැසෙයි. ඉන්දියාවේ කේරළ ප්‍රාන්තය පාපන්දු ක්‍රීඩාව සඳහා ප්‍රකටය. කේරළ පාසල් දරුවන් මෙන්ම තරුණ තරුණියන් අතරේ ද පාපන්දු උන්මාදයක් පවතී.

අද (20) අලුයම් කාලයේ අවසන් මහා තරගය වෙනුවෙන් කේරළය පුරා දැවැන්ත තිර යොදා අවසන් මහා තරගය සජීවී විකාශය සිදුවිය. සැමරුම් උත්සව සහ සංගීත සංචර්ශන පවා පැවැත්විණි.

අද (20) නිවාඩුව අදාළ අධ්‍යාපන දෙපාර්තමේන්තුව යටතේ පවතින පාසල් සඳහා පමණි. උසස් අධ්‍යාපන ආයතන සහ  විද්‍යාල සඳහා නිවාඩු ලබා දීමක් සිදු නොවිණි.