කවුරුත් ආදරය කරන ජනප්‍රිය හොලිවුඩ් නළු කියානෝ රීව්ස්ගේ ‘රෝලැක්ස්’ වර්ගයේ වටිනා අත් ඔරලෝසුව චිලී රාජ්‍යයෙන් හමුවී ඇතැයි විදෙස් මාධ්‍ය වාර්තා කරයි.

ඇමෙරිකන් ඩොලර් 9,000 ක් වටිනා මෙම අත් ඔරලෝසුව සොරකම් කරනු ලැබුවේ, 2023 වසරේ දෙසැම්බරයේ ලොස් ඇන්ජලීස් නුවර කියානෝ රීව්ස්ගේ නිවසිනි. කියානෝ රීව්ස්ගේ මන්දිරයක් බඳු නිවසට ‘හොරු පැන්න’ එම පුවතට මාධ්‍ය ඔස්සේ විශාල ප්‍රසිද්ධියක් ද හිමිවිය.

චිලී පොලිසිය, ඔරලෝසු සමඟ 21 හැවිරිදි පුද්ගලයකු අත්අඩංගුවට ගත් බවත්, එම පුද්ගලයා ඇමෙරිකාවේ සිදු කළ සොරකම් කීපයකට සම්බන්ධ බවත් විමර්ශනවලින් අනාවරණය වී ඇත.

එම රෝලෙක්ස් ඔරලෝසුවේ, කියෝනෝ රීව්ස් විසින් සටහන් කළ පෞද්ගලික පණිවුඩයක් ඇත. ඔරලෝසුවේ හිමිකරු කියෝනෝ රීව්ස් බව තහවුරු කර ගැණුනේ ඒ අනුවය.\

(ඒ.එෆ්.පී.)