ඔත්තුකරුවකු යැයි පාකිස්තාන අත්අඩංගුවේ පසු වූ ඉන්දීය ජාතික ගොවියකු ඊයේ (2) ඔහු රඳවා සිටි ලාහෝර් බන්ධනාගාරයේදීම මිය යෑමත් සමඟ ඉන්දියාවත් පාකිස්තානයත් අතර අලූත් අර්බුදයක් නිර්මාණය වී ඇත.
සරාබ්ජිත් සිං නමැති එම ගොවියා පාකිස්තාන රජයේ අත්අඩංගුවට පත් වූයේ 1991 වසරේ දීය. ඒ ඔහු පාකිස්තානයට ගිය අවස්ථාවකදීය.
ඔත්තු බැලූ බවටත් බෝම්බ ප‍්‍රහාර හතරක් සම්බන්ධයෙනුත් ඔහුට චෝදනා එල්ල වූ අතර පාකිස්තාන අධිකරණයක් ඔහුට මරණ දඬුවම නියම කළේය.
බන්ධනාගාරයේ සිටිද්දී තවත් සිරකරුවන් දෙදෙනකු පෙරේදා (1)  සරාබ්ජිත් සිංට දරුණු ලෙස පහර දී ඇත. සිං මියගියේ එම ප‍්‍රහාරයෙනි.
සිං තුවාල ලැබූ අවස්ථාවේ ඉන්දීය රජයත්, සිංගේ පවුලේ අයත් පාකිස්තාන රජයෙන් ඉල්ලීමක් කළේ ප‍්‍රතිකාර සඳහා සිං යළි සියරට එවන ලෙසටය. නමුත් පාකිස්තාන රජය එම ඉල්ලීම ප‍්‍රතික්ෂේප කළේය.