අධික වැසි සහිත අයහපත් කාලගුණික තත්ත්ත්වය හේතුවෙන්, කාලගුණ බලධාරීන් කළ අනතුරු අඟවීමත් සමඟ අද (12) සිට එක්සත් අරාබි එමීර් රාජ්‍යයේ රජයේ සේවකයන්ටත්, පෞද්ගලික අංශ සේවකයන්ටත් නිවසේ සිට රාජකාරි කිරීමට අවසර හිමිවී ඇත.

පාසල් වසා දමා ඇති අතර, මාර්ග ගත ක්‍රමයට අධ්‍යාපන කටයුතු සිදුවන බව ද පැවැසෙයි. එක්සත් අරාබි එමීර් රාජ්‍යය නිවේදනයක් නිකුත් කරමින් පැහැදිලි කර ඇත්තේ රැකියා ස්ථානයේ ‘භෞතිකව’ සිටිය යුතු සේවකයන් හැර අනෙකුත් සියලුම රජයේ සහ පෞද්ගලික අංශ සේවකයන් සඳහා නිවසේ සිට රජකාරී සිදුකිරීමට අවසර ලබා දුන් බවය.

එක්සත් අරාබි එමීර් රාජ්‍යයේ අබුඩාබි, ඩුබායි, සාජා, ෆුජයිරා, අජ්මාන් සහ රාස් අල් කයිමා වන නගර සහ පළාත්වලට තද සුළං, අකුණු සහ ගිගුරුම් සහිත වැසි වාර්තා වී තිබේ.