උතුරු කොරියාව අද (2) තවත් බැලස්ටික් මිසයිල ප්‍රහාරයක් එල්ල කර ඇතැයි දකුණු කොරියාව පවසයි. 

මෙම මිසයිල වොන්සොන් වරායේ සිට සබ්මරීනයකින් ගුවන් ගතකර ඇති බවත් කිලෝමීටර් 910ක් උසින්  කිලෝමීටර් 450ක් දුර ගමන් කර ජපන් මුහුදට ඇද වැටුණු බවත් සඳහන් වේ.

ඇමරිකාව සමග න්‍යෂ්ටික අවි පිළිබඳ සාකච්ඡා යළි අරඹන බවට උතුරු කොරියාව ප්‍රකාශ කිරීමෙන් පැය කිහිපයකට පසුව මෙම මිසයිල ගුවන් ගතකර ඇත.

ජපාන අග්‍රාමාත්‍ය ශින්සුවා අබේ මහතා මේ සම්බන්ධව ප්‍රකාශයක් නිකුත් කරමින් පවසා ඇත්තේඋතුරු කොරියාව එක්සත් ජාතින්ගේ ආරක්ෂක මණ්ඩලයේ නිර්දේශයන් උල්ලංඝණය කර ඇති බවයි.

මෙය උතුරු කොරියාව විසින් මෙම වසරේ එල්ල කළ 11 වන මිසයිල ප්‍රහාරය ලෙස සඳහන් වේ.

(බීබීසී ඇසුරිණි - 085)