රුසියා - උතුරු කොරියා දේශසීමාව ආසන්නයේ සිටින රුසියානුවන් ආරක්ෂිත ස්ථානවෙත යැවීමට එරට බලධාරීන් කටයුතු කර ඇතැයි වාර්තා වේ.

උතුරු කොරියාව අද (30) තවත් මිසයිලයක් දියත් කිරීමත් සමඟ රුසියානු බලධාරීන් එම පියවර ගෙන තිබේ.

සිවිල් ආරක්ෂක නිලධාරීන් ද රුසියාවේ නැගෙනහිර කොටසේ ආරක්ෂිත ස්ථාන වෙත ගොස් ඇතැයි ද ‘ක්‍රෙම්ලීනයට’ හිතවත් මාධ්‍ය වාර්තා කර තිබිණි.

රුසියා - උතුරු කොරියා දේශසීමාවේ සිටින රුසියානු වැසියන් 1,500ක් පමණ ආරක්ෂිත ලෙස ඉවත් කරන්නැයි වාචික නියෝගයක් එරට ජනාධිපතිවරයා විසින් ලබා දෙනු ලැබ ඇතැයි රුසියාවේ ආරක්ෂක සේවාවලට සමීප සබඳතා ඇති ‘ලයිෆ්.රු’ පුවත්සේවයට සම්බන්ධ සමාජ ජාල මාධ්‍ය වාර්තා කර තිබිණි.

රුසියාවත් උතුරු කොරියාවත් අතර සැතපුම් 24ක දේශසීමාවක් පවතින අතර සිවිල් වැසියන් ඉවත් කරන ලද්දේ කුමන ස්ථානයකින් ද යන්න නිශ්චිතව වාර්තා නොවීය. සිවිල් වැසියන් ආරක්ෂිත ස්ථානවෙත යොමු කිරීම ආරක්ෂිත පියවරක් බව වාර්තා කර තිබිණි.

ඬේලිමේල් ඇසුරිනි 055