ඊජිප්තු රාජ්‍ය තොරතුරු සේවය විසින් ටොම් ඇන්ඩ් ජෙරී කාටූන් කතා මාලාව හෙළාදකිමින් ප්‍රකාෂයක් නිකුත් කර තිබේ. එම කතා මාලාව විසින් ප්‍රචණ්ඩත්වය ව්‍යාප්ත කරන බවට ඔවුන් කරන චෝදනාවයි. පුපුරන ද්‍රව්‍ය භාවිත කරන සිද්ධීන් බොහොමයක් එහි අඩංගු නිසා එය නරඹන දරුවන්ගේ සිත් තුල ප්‍රචණ්ඩත්වය කාවදින බවට එම ප්‍රකාශයේ සදහන්ය.

මැදපෙරදිග යනු ත්‍රස්තවාදයෙන් පිඩා විදින,දේශපාලන විරෝධවාදීන් සිරගත කෙරෙන ඉස්ලාමීය කැරලිකාරිත්වයෙන් පිඩා විඳින කලාපයක් බවත් එහි සඳහන් වන අතර එවන් කාටූන් මගින් මෙම තත්වය තවත් වැඩි වෙනු ඇතැයි සඳහන් වේ.කෙසේ වෙතත් මෙම ප්‍රකාශ මගින් ඊජිප්තුවේ දේශපාලන තත්වය පිළිබඳ සිතාගත හැකි බව විචාරකයෝ පවසයි.