ඊජිප්තුවේ කයිරෝ නගරය ආසන්නයේ පිහිටි ක්‍රිස්තියානි දේවස්ථායක් ඉදිරිපිට සිදුකළ විවෘත වෙඩි තැබීමකින් නව දෙනකු මියගොස් පස් දෙනකු තුවාල ලබා ඇතැයි වාර්තා වේ. මියගිය අය අතර පොලිස් නිලධාරියකු ද සිටින බව පැවසේ.


දේව මෙහෙය අවසන් වී පිටතට පැමිණෙන පිරිසට වෙඩි ප්‍රහාර එල්ල කර ඇති බවත් එක් සැකකරුවකු අත්අඩංගුවට ගෙන ඇති බවත් පොලිසිය පවසයි. 


ස්වයංක්‍රීය කුවක්කුවක්, පතරොම් සහ බෝම්බයක් ද දේවස්ථාන භූමියේ තිබී සොයාගෙන ඇත. 


අයිඑස් සංවිධානය ප්‍රහාරයේ වගකීම බාරගෙන ඇති අතර මෙම ත්‍රස්තවාදී ප්‍රහාරය තරයේ හෙලා දකින  බව ඊජිප්තු බලධාරීහු පවසති.


(සී.එන්.එන් පුවත් ඇසුරිණි - 085)