IMG-LOGO

2025 අගෝස්තු මස 29 වන සිකුරාදා


ඉලොන් මස්ක් ට්‍රම්ප්ගෙන් සමාව ඉල්ලයි

හටගත් විරසකයට තිත තබමින්, ඇමෙරිකා බිලියනපති ඉලොන් මක්ස්, ඇමෙරිකා ජනාධිපති ඩොනල්ඩ් ට්‍රම්ප්ගෙන් සමාව ඉල්ලීමක් කළේය. ඒ දුරකතන ඇමතුමක් දෙමිනි.

ප්‍රසිද්ධියේ ට්‍රම්ප්ට බැණ වැදීම, ට්‍රම්ප් විවේචනය කිරීම සම්බන්ධයෙන් මක්ස් ට්‍රම්ප්ගෙන් සමාව ඉල්ලා සිටි බවත්, ට්‍රම්ප් මස්ක්ට සමාව දී ඇති බවත් ඇමෙරිකන් මාධ්‍ය වාර්තා පෙන්වා දෙයි.

ඉතා සමීප මිත්‍රත්වයකින් කටයුතු කළ ජනාධිපති ට්‍රම්ප් සහ ඉලොන් මස්ක් අතරේ මත ගැටුම් හටගත්තේ, ට්‍රම්ප්ගේ ප්‍රතිපත්ති පනත හේතුවෙනි. එම පනත මස්ක්ගේ දැඩි විවේචනයට ලක් වුණු අතර, එම පනත හරහා අයවැය හිඟය වැඩිවන බව ද මස්ක් පැහැදිලි කර ඇත. දෙදෙනා අතර මත ගැටුම් උත්සන්න වෙද්දී, ට්‍රම්ප් ජනාධිපති ධුරයෙන් ඉවත් කළ යුතු බව ද මස්ක් සමාජ මාධ්‍ය ඔස්සේ පැවැසීය.

ඊට ප්‍රතිචාර දක්වමින් ට්‍රම්ප්, මස්ක්ට තර්ජනය කළේ මස්ක්ගේ ‘ටෙස්ලා’ සහ ‘ස්පේස් එක්ස්’ යන සමාගම් සඳහා රජයෙන් ලැබෙන සහන සහ කොන්ත්‍රාත්තු කපා හරින බවටය. ඊට අමතරව, තමන් නැතිව මස්ක්ට කිසිවක් කළ නොහැකි බවත්, ඔහු උමතුවෙන් ක්‍රියා කරන බවත් ට්‍රම්ප් පෙරළා චෝදනා නැගුවේය.

මස්ක් ද පෙරළා ට්‍රම්ප්ට දොස් නගන්න වූයේ ට්‍රම්ප් තමාගේ උදව් නොමැතිව ජනාධිපතිවරණය පරාජය වීමට ඉඩ තිබූ බවත්, ට්‍රම්ප්ගේ නම ”එප්ස්ටයින් ගොනු”වල ඇති බවත්ය. එප්ස්ටයින් ලිපි ගොනු යනු මූල්‍යවේදියෙකු සහ ලිංගික අපරාධකරුවකු වූ ජෙෆ්රි එප්ස්ටයින්ගේ ක්‍රියාකාරකම් සහ ඔහු සමඟ සම්බන්ධ වූ ඉහළ පෙළේ ප්‍රසිද්ධ පුද්ගලයන් පිළිබඳව ඇමෙරිකන් ෆෙඩරල් බලධාරීන් විසින් එකතු කරන ලද ලේඛන එකතුවකි.

(එන්.ඩී.ටීවී.)



අදහස් (0)

ඉලොන් මස්ක් ට්‍රම්ප්ගෙන් සමාව ඉල්ලයි

ඔබේ අදහස් එවන්න

 

 
 

මේවාටත් කැමතිවනු ඇති

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15032 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 470 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි! 2025 අගෝස්තු මස 15 268 0
සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි!

ශ්‍රී ලංකාවේ බැංකු නොවන මූල්‍ය සමාගම් අතර ප‍්‍රමුඛතම මූල්‍ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්‍ය සමාගම වන සියපත ෆිනෑන්ස් පීඑ

Our Group Site