ඉන්දියාවේ ගුජරාට් ප්‍රාන්තයට නොකඩවා ඇද හැලෙන ධාරානිපාත වර්ෂාව හේතුවෙන් පුද්ගලයන් 70 දෙනකු මියගොස් රාජ්‍ය හා පෞද්ගලික දේපොල රැසකට තද බල හානි සිදුව ඇතැයි විදෙස් මාධ්‍ය වාර්තා කරයි.

ගුවන් හමුදා හෙලිකොප්ටර් යානා මගින් පීඩාවට පත් ජනතාවට ආහාර ගුවනින් හෙලා තිබේ.

පුද්ගලයින් 10000 කට වඩා උස් බිම් වලට රැගෙන ගොස් ඇති අතර තවත් 1000 ක් ගුවනින් ආරක්ෂිත ලෙස ඉවත් කැර ඇත.

ඉන්දියාවේ මෝසම් වර්ෂාව පවතින කාලයට නිරන්තරයෙන් ජලගැලීම් සිදුවීම සාමාන්‍ය දෙයකි.  ගංවතුර තත්වය තදින්ම බලපා ඇති සවුරස්ත්‍රා කලාපයේ නිවාස රැසක් විනාශ වී ඇත.  වසර 90 කින් බලපා ඇති දරුණුම ගංවතුර තත්වය මෙය බව වාර්තාවේ.

වෙරළබඩ දිස්ත්‍රික්කයක් වන ඇම්රෙලි හි ගංවතුර හේතුවෙන් ගම්මාන 600ක් පමණ යටවී ඇතැයි ද ඉන්දීය ආරකෂක අංශ පවසයි.

ගුජරාට් ප්‍රාන්තයේ ඇමති නිටින් පාටෙල් විදෙස් මාධ්‍යයට පවසා ඇත්තේ ගංවතුරින් වගා බිම් හානියට පත්විමෙන් ගොවින් විශාල සංඛ්‍යාවක් ද පීඩා වට පත්ව ඇති බවයි. ගලවා ගැනීමේ සහ සහන කටයුතු සිදුකෙරෙමින් පවතින බවද ඔහු පවසා ඇත.

ආරක්ෂක අමාත්‍යාංශය පැවසුවේ ගුවන් යානා හෙලිකොප්ටර් සමගින් බලපන්ති 23 ක් කිසිම පිලිසරණක් නොමැති ජනයාට ආහාර පැකට් බෙදා දුන් බවයි.

ආසියානු කලාපයේ සිංහයන්ට වෙන්ව ඇති ජිනගඩ් හි ගිර් වනාන්තරය ද ගංවතුරින් යටවීම හේතුවෙන් එහි වාසය කරණ සිංහයන්ද මෙම වනාන්තරයෙන් පිටතට පැමිණ ඇතැයි පරිසරවේදීහු කියති.

කාෂ්මීර ප්‍රාන්තයට ගංවතුර පිලිබඳ අනතුරු ඇගවිමේ සංඥා නිකුත් කර තිබේ. මෙහි ගිය වසරේ ගංවතුරින් 300 ක් මරණයට පත්වුහ.

මෙහි ප්‍රධාන නගරය වු ශ්‍රී නගර් හි ජෙලම් ගංගාව අනතුරු දායක මට්ටමටත් වඩා ඉහලින් ගලායන බව වාර්තාවේ.

උතුරු ප්‍රාන්තයවු උත්තරක්හැන්ඩ්හි බලධාරින් ශුද්ධ නගරවු කෙදර්නාත් සහ වෙනත් පුජනීය ස්ථානවලට යන වන්දනා චාරිකා ද නවතා දමා තිබේ.

සෑම වසරකම ජුනි සහ සැප්තැම්බර් අතර පවතින මොසම් වර්ෂා සමයේදී ඉන්දීයාවේ වර්ෂාපතනයෙන් සියයට 80 ක් ලැබේ.