මේ වනවිට ඉන්දියාවේ කෝටි 35 කට වැඩි පිරිසකට 'කොවිඩ් 19' ප්‍රතිශක්තිකරණ එන්නත් ලබා දී අවසන් බවත්, එම පිරිස අතරින් කෝටි 10 ක් අවුරුදු 18 ත් 44 ත් වයස් කාණ්ඩයේ පසුවන අය බවත් ඉන්දීය මාධ්‍ය වාර්තා සඳහන් කරයි.

පසුගිය සෙනසුරාදා දිනයේ පමණක් ලක්ෂ 62 කට එන්නත් ලබා දුන් බව ඉන්දීය සෞඛ්‍ය අමත්‍යාංශය නිකුත් කළ නිවේදනයක වැඩිදුරටත් සඳහන් වෙයි.

උත්තර ප්‍රදේශ්, මධ්‍ය ප්‍රදේශ්, රාජස්ථාන්, තමිල්නාඩු, බිහාර්, ගුජරාඨය, කර්ණාටක සහ මහාරාෂ්ට්‍ර යන ප්‍රාන්තවල එන්නත් මාත්‍රා දෙකම ලබා ගත් ලක්ෂ 50 කට වැඩි පිරිසක් සිටින බව ද සෞඛ්‍ය අමත්‍යාංශය නිකුත් කළ නිවේදනයේ වැඩිදුරටත් සඳහන් වෙයි.

මේ අතර 'කොවිඩ් 19' වයිරස වසංගතය හේතුවෙන් රට වසා දැමීමට පියවර ගත් බැවින් ඉන්දීය ආර්ථිකය දැඩි ලෙස කඩා වැටීමකට ලක් වී ඇතැයි ආර්ථික විශේෂඥයෝ පෙන්වා දෙති. ආර්ථිකයට එල්ල වුණු බලපෑම පහව යෑමට නම් වසර ගණනක් ගතවනු ඇතැයි ඔවුහු පෙන්වා දෙති.

(ඉන්දීය පුවත් සේවා)