ඉන්දීය රජයට දෙන්න ඕනෑ මුදල් මාර්තු 17 ට පෙර ගෙවන්න

ඉන්දීය රජයට අය විය යුතු මුදල් කඩිනමින් ගෙවන්නැයි ද මාර්තු 17 වනවිට එම මුදල් නොගෙවන්නේ නම් අධිකරණයට අපහාස කළ බවට චෝදනා කරමින් නඩු පවරන්නේ යැයි ද ඉන්දීය ශ්‍රේෂ්ඨාධිකරණය අද (14) ප්‍රකාශ කළේය.

දුරකතන සමාගම්වලට දැඩි ලෙස චෝදනා කළ ඉන්දීය ශ්‍රේෂ්ඨාධිකරණය එම සමාගම් ඉදිරිපත් කළ පෙත්සමක් ද නිශ්ප්‍රභා කළේය.

‘වොඩැෆෝන්-අයිඩියා’ සහ ‘භාරතී එයාර්ටෙල්’ යන සමාගම් බදු සහ පොළී ඇතුළුව ඉන්දීය රුපියල් බිලියන 920ක් (ඇමෙරිකානු ඩොලර් බිලියන 12.89ක්) ඉන්දීය රජයට ගෙවිය යුතුව ඇත.

ජනවාරි 23 වැනිදා වනවිට මෙම මුදල් ගෙවිය යුතුව තිබී ඇති අතර දුරකතන සමාගම් එම ගෙවීම් පැහැර හැර ඇත.

ඉන්දීය ශ්‍රේෂ්ඨාධිකරණය මීට පෙර ද මේ සම්බන්ධයෙන් තීන්දුවක් දී තිබූ අතර ඉන්දීය ශ්‍රේෂ්ඨාධිකරණය තීන්දුව නැවත විමසා බලන්නැයි ඉල්ලමින් අදාළ සමාගම් ඉදිරිපත් කළ පෙත්සම ද නිශ්ප්‍රභා කළේය.

“මේක සියයට සියක්ම අධිකරණයට අපාහස කිරීමක්” යැයි ශ්‍රේෂ්ඨාධිකරණ විනිසුරු අර්ජුන් මිෂ්රා එම සමාගම්වල සහ රජයේ නීතීඥවරුන්ට පැවසීය.

‘වොඩැෆෝන්-අයිඩියා’, ‘භාරතී එයාර්ටෙල්’ සහ ‘රිලායන්ස් ජියෝ’ යන සමාගම්වලට ආසියාවේ ධනවත්ම පුද්ගලයා ලෙස සැලකෙන මුකේෂ් අම්බානිගේ සහාය ද හිමි වේ.

ඉන්දියාවේ ජංගම දුරකතන වෙළෙඳපොළේ 90% ක් පාලනය කරන්නේ ඉහත කී සමාගම් ත්‍රිත්වයයි. කෙසේ නමුත් ශ්‍රේෂ්ඨාධිකරණ නියෝගයෙන් පසු එයාර්ටෙල් සහ වොඩැෆෝන් සමාගම්වලට අවදානම් තත්ත්වයක් ද ඇති වී තිබේ.

ශ්‍රේෂ්ඨාධිකරණ තීන්දුව නිසා ‘වොඩැෆෝන්-අයිඩියා’ පැවැත්මට ද තර්ජනයක් එල්ල වී තිබේ. ‘වොඩැෆෝන්-අයිඩියා’ යනු බ්‍රිතාන්‍යයේ ‘වොඩැෆෝන්’ සමූහ ව්‍යාපාරය සහ ඉන්දියාවේ ‘අයිඩියා සෙලූලර්’ සමාගම සම්බන්ධ වී පටන් ගත් හවුල් ව්‍යාපාරයකි.

‘වොඩැෆෝන්-අයිඩියා’ සමාගම විතරක් ඉන්දීය රජයට ගෙවිය යුතු මුදල ඇමෙරිකානු ඩොලර් බිලියන 3.9කි.

නියෝග නොපිළිපදිමින් කටයුතු කළහොත් අදාළ සමාගම් සහ විදුලි සංදේශ දෙපාර්තමේන්තුව ඊට වගකිව යුතු බව ද ශ්‍රේෂ්ඨාධිකරණය ප්‍රකාශ කළේය.

“අපි ශ්‍රේෂ්ඨාධිකරණයේ නඩු විමසීම නතර කරමුද ? මේ රටේ නීතියක් කියලා දෙයක් නැද්ද?” යැයි ශ්‍රේෂ්ඨාධිකරණ විනිසුරු මිෂ්රා විමසීය.

“අධිකරණයට අපහාස කළා කියලා අපි හැමෝටම විරුද්ධව නඩු දානව” යැයි ද ඔහු කීය.
ශ්‍රේෂ්ඨාධිකරණය දුන් තීන්දුවෙන් පසුව ‘වොඩැෆෝන්-අයිඩියා’ සමාගමේ කොටස් 19% කින් පහත වැටුණි.

සමාගමේ වටිනාකම මේ වසරේදී පමණක් 27%

සමාගමේ වටිනාකම මේ වසරේදී පමණක් 27% කින් අහිමි වී තිබෙන අතර පසුගිය වසරේදී සමාගමට එහි වටිනාකමෙන් 73% ක් අහිමි විය.

රොයිටර්

055

අදහස් (0)

ඉන්දීය රජයට දෙන්න ඕනෑ මුදල් මාර්තු 17 ට පෙර ගෙවන්න

ඔබේ අදහස් එවන්න

වැඩි දෙනා කියවූ පුවත්

සරසවි නේවාසිකාගාරයෙන් කලලයක කොටස් හමු වෙලා

2025 නොවැම්බර් මස 08 11528 3

උතුරු කොරියාවේ රාජ්‍ය නායක කිම් යොං නම් සමුගනී

2025 නොවැම්බර් මස 04 8016 0

කැළණිය විශ්වවිද්‍යාලයෙන් බෝතල් මූඩී බංකුවක් මරදානට

2025 නොවැම්බර් මස 05 7408 4

කෝටියක මාළු මා දැලක පැටලේ

2025 නොවැම්බර් මස 01 7327 3

තෙල් - තේ ගිවිසුම කැඩුවාට ඉරානයට මිලියන 119ක් ගෙවයි

2025 නොවැම්බර් මස 06 6950 2

2025 නොවැම්බර් මස 04 746 0

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්

2025 ඔක්තෝබර් මස 08 2402 0

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

2025 ඔක්තෝබර් මස 01 1757 0

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට