පළිගැනීමට හේතුවන කිසිදු ක්‍රියාමාර්ගයක නියැලීමෙන් වළකින්නැයි නේටෝ සංවිධානය ඉරානයට දැඩි ලෙස අවධාරණය කරයි.

මැදපෙරදිග කලාපයේ විවිධ සන්නද්ධ කණ්ඩායම්වලට ඉරානය සහාය පළ කිරීම හෙළාදකිමින් නේටෝ සංවිධානයේ සාමාජිකයින් එක්ව සිටින බව එම සංවිධානයේ මහලේකම් ජෙන්ස්  ස්ටොල්ටන්බර්ග් මහතා ප්‍රකාශ කළේය.

නේටෝ සංගමයේ හදිසි රැස්වීමකින් පසු බෙල්ජියමේ බ්‍රසල්ස්හිදී ඔහු මාධ්‍ය හමුවේ මෙම අදහස් පළකළේය.

තවදුරටත් ප්‍රචණ්ඩ ක්‍රියාවලින් හා ප්‍රකෝප කිරීම්වලින් වළකින ලෙස ද ඔහු මෙහිදී ඉරානයට අවධාරණය කළේය.

ඉරානයේ න්‍යෂ්ටික වැඩසටහන ඉතා සමීපව නිරීක්ෂණය කිරීමට ද නේටෝ සාමාජිකයින් එකඟත්වය පළකර ඇත.

(එන්.එච්.කේ. ඇසුරෙනි)

-226-