IMG-LOGO

2025 අගෝස්තු මස 29 වන සිකුරාදා


ඇමෙරිකාවත් බ්‍රිතාන්‍යයත් අතරේ නව වෙළෙඳ ගිවිසුමක්

ඇමෙරිකාවත්, මහා බ්‍රිතාන්‍යයත් අතරේ, නව වෙළෙඳ ගිවිසුමක් ඇති කර ගැණුනි. ඇමෙරිකන් ජනාධිපති ඩොනල්ඩ් ට්‍රම්ප් සහ බ්‍රිතාන්‍යය අග්‍රාමාත්‍ය කියේර් ස්ටාර්මර් අතරේ එම  ගිවිසුම සම්බන්ධයෙන් එකඟත්වයක් ඇති කර ගැණුනේ දුරකතන කතාබහක් ඔස්සේය.

ට්‍රම්ප් සහ ඔහුගේ පරිපාලන කණ්ඩායම ධවල මන්දිරයේ ඕවල් කාර්යාලයේ සිට සාකච්ඡා සඳහා එක් වුණු අතර, බ්‍රිතාන්‍ය අග්‍රාමාත්‍යවරයා සහ ඔහුගේ පරිපාලන කණ්ඩායම සාකච්ඡා සඳහා එක්වූයේ මධ්‍යම එංගලන්තයේ වෙස්ට් මිඩ්ලන්ඩ්ස් පළාතේ මෝටර් රථ නිෂ්පාදන කර්මාන්ත ශාලාවක සේවක සේවිකාවන් ද පිරිවරා​ගෙනය.

නව වෙළෙඳ ගිවිසුමක් ඇති කර ගැනීම කෙරෙහි ඇමෙරිකන් ජනාධිපති ට්‍රම්ප්ගේත්, බ්‍රිතාන්‍ය අග්‍රාමාත්‍ය කියේර් ස්ටාර්මර්ගේත් අවධානය යොමු වූයේ ට්‍රම්ප් බ්‍රිතාන්‍යයට පනවා ඇති තීරු බදු මුල්කොට ගනිමිනි.

නව වෙළෙඳ ගිවිසුම, දෙරටටම වාසිදායක අයුරින් සකස් කර ගෙන ඇතැයි පැවැසෙයි. ජනාධිපති ට්‍රම්ප්, බ්‍රිතාන්‍යයට පමණක් නොව, ලොව රටටවල් රැසකට බදු පැවැරීම් කර ඇත. ට්‍රම්ප්ගේ අරමුණ වී ඇත්තේ බදු පැනවීම් හරහා ඒ ඒ රටවලට පීඩනයක් එල්ල කර පසුව ඇමෙරිකාවට වාසියක් වන ආකාරයට වෙළෙඳ ගිවිසුම් සඳහා එකඟතාවකට පත් කර ගැනීමය.

නව එකඟතාවට අනුව, ආරම්භයේ සිට ඇමෙරිකාව බ්‍රිතාන්‍යයට පනවා ඇති සියයට 10 ක තීරු බදු පැනවීම නොවෙනස්ව පවතින බව පැවැසෙයි. කෙසේ නමුත්, ජනපති ට්‍රම්ප් අලුතින් මහා බ්‍රිතාන්‍යයට පැනවූ සියලු අධික තීරු බදු ඉවත් කර ගැනීමට ට්‍රම්ප් පියවර ගෙන ඇත.

වෙළෙඳ ගිවිසුමට අත්සන් කිරීමෙන් පසු, ඇමෙරිකාවේ වොෂින්ටන් අගනුවර ධවල මන්දිරයේ සිට ජනාධිපති ඩොනල්ඩ් ට්‍රම්ප් ද, මධ්‍යම එංගලන්තයේ වෙස්ට් මිඩ්ලන්ඩ්ස් පළාතේ මෝටර් රථ නිෂ්පාදන කර්මාන්ත ශාලාවේ සිටි බ්‍රිතාන්‍ය අග්‍රාමාත්‍ය කියෙර් ස්ටාර්මර් ද මාධ්‍ය හමුවේ අදහස් දක්වමින් නව වෙළෙඳ ගිවිසුම සම්බන්ධයෙන් පැහැදිලි කිරීම් කළහ.

(ඒ.එෆ්.පී.)



අදහස් (0)

ඇමෙරිකාවත් බ්‍රිතාන්‍යයත් අතරේ නව වෙළෙඳ ගිවිසුමක්

ඔබේ අදහස් එවන්න

 

 
 

මේවාටත් කැමතිවනු ඇති

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15135 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 474 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි! 2025 අගෝස්තු මස 15 268 0
සියපත ෆිනෑන්ස් 55 වැනි ශාඛාව අම්බලන්ගොඩ දැන් විවෘතයි!

ශ්‍රී ලංකාවේ බැංකු නොවන මූල්‍ය සමාගම් අතර ප‍්‍රමුඛතම මූල්‍ය සමාගමක් මෙන්ම සම්පත් බැංකුවේ පූර්ණ හිමිකාරීත්වය සහිත මූල්‍ය සමාගම වන සියපත ෆිනෑන්ස් පීඑ

Our Group Site