ඇමෙරිකාවේ වයස අවුරුදු 12 අඩු ළමුන්ට ලබන මාසයේ සිට ෆයිසර් එන්නත ලබාදීමට හැකිවනු ඇතැයි එරට සෞඛ්‍ය බලධාරීන් පවසයි.

වයස අවුරුදු 12 ට අඩු ළමුන් සඳහා වන ෆයිසර් සහ මොඩර්නා කොවිඩ් මර්දන එන්නත් වල ආරක්‍ෂාව තීරණය කිරීම සඳහා සායනික අත්හදා බැලීම් සිදු කෙරෙමින් පවතින අතර, මෙම වසර අවසානයේදී හදිසි ප්‍රතිකාර සඳහා අවසර ලබා ගැනීමට හැකි වන පරිදි ලබන මාසයේදී දත්ත නිකුත් කළ හැකි බව වෛද්‍යවරු පවසති.

චිකාගෝ හි ලූරි ළමා රෝහලේ මොඩර්නා සායනික පරීක්‍ෂණය අධීක්ෂණය කරන වෛද්‍යවරයෙක් පවසන්නේ වයස අවුරුදු 5 සිට 11 දක්වා ළමුන් සඳහාත්, වසර අවසානයේදී කුඩා දරුවන් සඳහාත් මෙම අවසරය ලබා ගත හැකි යැයි තමා බලාපොරොත්තු වන බවයි.
11 හැවිරිදි ජූලියානා ගෝමට්ස් සහ ඇගේ සොහොයුරු 8 හැවිරිදි ගේබ්‍රියෙල් දැන් අවුරුදු 5 සිට 11 දක්වා ළමුන් සඳහා වන මොඩර්නා සායනික අත්හදා බැලීමේ දරුවන් වන අතර දැන් එය චිකාගෝ හී ලූරි ළමා ළමා නිවාසයේ පැවැත්වේ.

"බොහෝ දුරට අපට ධනාත්මක සහයෝගයක් ලැබී ඇති අතර, දෙමව්පියන්ගෙන් බොහෝ ප්‍රතිචාර ලැබෙනවා, මෙහි කොටස් කරුවන් වීම ගැන ඔබට බොහෝම ස්තුතියි" යැයි ඔවුන්ගේ පියා වන ආචාර්ය එඩ්වඩ් ගෝමට්ස් පැවසීය.

එහි ප්‍රතිඵල මත ලබන මාසයේ සිට දරුවන්ට ෆයිසර් එන්නත් ලබාදීමට සැලසුම් කර තිබේ. අමෙරිකාවේ වයස අවුරුදු 12 ට වැඩි දරුවන්ට කොරෝනා මර්දන එන්නත් ලබාදීම මේ වනවිට සාර්ථකව සිදු කරමින් පවතී.

(එන්.බී.සී)