මැලේසියාවේ ක්වාලාලාම්පූර් නුවර පැවැත්වෙන ‘ආසියාන්’ සමුළුව අතරතුරේ, ඇමෙරිකන් රාජ්ය ලේකම් මාර්කෝ රූබියෝ සහ රුසියන් විදේශ අමාත්ය සර්ගේ ලැව්රෝව් අතරේ හමුවක් පැවැත්විණි. ඇමෙරිකන් රාජ්ය ලේකම් ලෙස මාර්කෝ රූබියෝ ආසියානු රටකට පැමිණ සිටින පළමු අවස්ථාව වන්නේ මෙයයි.
මාර්කෝ රූබියෝ සහ සර්ගේ ලැව්රෝව්ගේ සාකච්ඡාවට ප්රධාන වශයෙන් පාදක වූයේ රුසියන් යුක්රේන යුද්ධයයි. ඊට අමතරව, ඉරානයේ සහ සිරියාවේ වත්මන් තත්ත්වය සම්බන්ධයෙන් ද සාකච්ඡා පැවැත්වුණු බව වාර්තා වේ.
රුසියන් යුක්රේන යුද්ධය අවසන් කළ හැක්කේ සාකච්ඡා මාර්ගයෙන් පමණක් යැයි රුසියන් විදේශ අමාත්යවරයා ඇමෙරිකන් රාජ්ය ලේකම්වරයාට පැවැසූ බවත්, යුද්ධය සම්බන්ධයෙන් රුසියන් ජනාධිපති ව්ලැදිමීර් පුටින්ගේ ස්ථාවරය පැහැදිලි කළ බවත් විදෙස් මාධ්ය පවසයි.
රුසියන් යුක්රේන යුද්ධය අවසන් කිරීමට ඇමෙරිකා ජනාධිපති ඩොනල්ඩ් ට්රම්ප් මැදිහත් වී සිටී. ට්රම්ප් සහ පුටින් අතරේ ද අවස්ථා කීපයකදී දුරකතන සන්වාද පැවැත්වුණු නමුත්, රුසියන් යුක්රේන යුද්ධය අවසන් කිරීම සම්බන්ධයෙන් පැහැදිලි එකඟතාවක් ඇති කර ගැනීමට හැකියාවක් ලැබී නැත.
පුටින් හරිම මුරණ්ඩු තැනැත්තකු බවත්, රුසියන් යුක්රේන යුද්ධය නැවැත්වීමට ඔහු අදහස් නොකරන්නේ නම්, රුසියාවට තව තවත් සම්බාධක පනවන බවත් ජනාධිපති ට්රම්ප් අනතුරු ඇඟවීමක් කර තිබේ.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ඇමෙරිකා රාජ්ය ලේකම් රුසියන් විදෙස් ඇමැති හමුවක්