2025 නොවැම්බර් මස 13 වන බ්‍රහස්පතින්දා
ජනාධිපතිවරණය සමයේදී කරන ලද ප්‍රකාශයක් ක්‍රියාවට නංවමින් ඇමෙරිකා එක්සත් ජනපද ජනාධිපති ඩොනල්ඞ් ට්‍රම්ප් මහතා අන්තර් ශාන්තිකර සහයෝගීතාවයෙන් ඉවත් වීම සඳහා විධායක් නියෝගයක් දී ඇත. හිටපු ජනාධිපති බැරැක් ඔබාමා මහතාගේ ආසියානු කලාපය පිළිබඳ ප්‍රතිපත්තියේ වැදගත් සාධකයක් වූයේ මෙම අන්තර් ශාන්තිකර සහයෝගීතා ගිවිසුමයි. රටවල් 12ක් සාමාජිකත්වය දරන මෙම වෙළෙඳ ගිවිසුමෙන් ඉවත් වීම සඳහා වත්මන් ඇමෙරිකා ජනාධිපති ඩොනල්ඞ් ට්‍රම්ප් මහතා විධායක නියෝගයක් දී ඇත.
“මෙය ඇමෙරිකා සේවකයන්ට විශිෂ්ඨ දෙයක්. අපි කී දේ කළා” පෑනකින් ගිවිසුම කපා හැර කුණු කූඩයකට දමමින් ඩොනල්ඞ් ට්‍රම්ප් මහතා පැවැසූ බව විදෙස් මාධ්‍ය වාර්තා කර තිබිණි.
මෙම ගිවිසුම ක්‍රියාවට නැංවුණද ඊට එවකට කොංග්‍රස් සභාවේ අනුමැතිය හිමි නොතිබිණි. බැරැක් ඔබාමා මහතා ජනාධිපතිධුරය දරන සමයේදී කොංග්‍රස් සභාවේ බලය හිමිව තිබුණේ රිපබ්ලිකන් පක්ෂයටය. එබැවින් ඉදිරිපත් කරන ලද බොහෝ ප්‍රතිපත්ති යෝජනාවලට අනුමැතිය ගැනීමට ඔබාමා පරිපාලනයට නොහැකි විය.
මෙම ගිවිසුම නිසා ඇමෙරිකාවේ නිෂ්පාදන කර්මාන්තය කඩා වැටී ඇතැයි විරැකියාව ඉහළ ගොස් ඇතැයි ජනාධිපති ට්‍රම්ප් මහතා ජනපතිවරණ සටන සමයේදී නිරන්තරයෙන් පැවැසීය. ජනාධිපති ට්‍රම්ප් මහතාගේ මෙම ක්‍රියාවට බොහෝ පිරිසකගේ ඇගැයුමට ලක්ව ඇතැයි ද විදෙස් මාධ්‍ය වාර්තා කළේය.
ඩිමොක්‍රටික් පක්ෂයේ බර්නි සැන්ඩර්ස් මහතාද මෙම ක්‍රියාව අගය කර ඇති අතර මෙවැනි ගිවිසුම් මහත් විනාශයක් බවත් එමඟින් රැකියා මිලියන ගණනක් අහිමි වූ බවත් බී.බී.සි පුවත් සේවයට පවසා තිබේ.
මේ අතර ට්‍රම්ප් පාලනයේ රාජ්‍ය ලේකම්වරයා ලෙස රෙක්ස් තිලර්සන් මහතා පත්වීමට නියමිත යැයි විදෙස් මාධ්‍ය වාර්තා කර තිබිණි. සෙනට් සභාවේ විදේශ සබඳතා කමිටුවේ අනුමැතිය ඔහුට හිමිව ඇති අතර මීළඟට ඔහුට සම්පූර්ණ සෙනට් සභාවේ අනුමැතිය අවශ්‍ය වේ.
ට්‍රම්ප් පරිපාලනය යටතේ සී.අයි.ඒ සංවිධානයේ නව සභාපතිවරයා ලෙස මයික් පොම්පේ පත්වීමට නියමිතය. ඔහුගේ පත්වීම සම්බන්ධයෙන් සෙනට් සභාවේ පැවැති ඡන්දයෙන් පක්ෂව ඡන්ද 66ක් දිනාගැනීමට ඔහු සමත්විය. ඔහුට විපක්ෂව ඡන්ද 32ක් ලැබී තිබිණි.
2025 නොවැම්බර් මස 04
660
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
2025 ඔක්තෝබර් මස 08
2331
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1723
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
ඇමරිකා ජනපති ගිවිසුම කුණු කූඩයට දමයි
ටෝනි - රියාද් Friday, 27 January 2017 06:26 AM
අශිකා,ඔයා ගණන් ගන්නෙපා. ඔය බමුණෝ හැමදාමත් බමුණු අදහස් තමයි දාන්නේ. මෙහෙ ඉඳගෙන ඇමෙරිකාවට කඩේ යනවා. තමන්ගේ රටට යහපතක් කරන්නේ කොහොමද කියලා, ඔය ඔළුගෙඩිවලට කවදාවත් හිතෙන්නේ නැහැ. (බ)
අශිකා Thursday, 26 January 2017 02:49 AM
මේ බමුණු, මෙතැන සිංහලෙන් ඔයා ලිවුවට ට්‍රම්ප්ට තේරෙනවද? ඔයා ඉංග්‍රීසියෙන් ලිපියක් ලියලා යවන්නකෝ. (නි)
බමුණු Saturday, 28 January 2017 01:10 AM
ඇමරිකාව එංගලන්තය වගේ රටවල් නිසා තමයි අපි මේ වගේ ඉන්නේ. ඇමරිකානුවන්ගේ අන්තර්ජාලය නිසා නේද අපි මේ අදහස් ටිකවත් හුවමාරු කරගන්නේ. ටෝනි, ඔබ අරාබියට ගිහිල්ලත් රැකියාවට සොයන්නේ ඇමරිකන් හෝ බ්‍රිටිෂ් කොම්පැනියක් නේද? ඒ ඇයි? (නි)
ලාල් Tuesday, 24 January 2017 04:04 PM
නියමයි. බරැක් ඔබාමාට වහ කන්න තමයි වෙන්නේ. (නි)
ඔෂාන් Thursday, 26 January 2017 03:49 PM
එහෙම තමයි ඒ රටවල්! (නි)
ගුණසේකර Wednesday, 25 January 2017 10:52 AM
ඔය ගිවිසුමෙන් වාසි ගන්න ලංකාවේ පිරිසකුත් බලා ඉන්න ඇති. (බ)
රාජසිංහ Wednesday, 25 January 2017 01:07 AM
මෙන්න කියන දේ කරන මිනිස්සු... (නි)
පේදුරු Wednesday, 25 January 2017 01:50 AM
මුළු ලෝකෙම බලාඉන්නේ මොහුට හිනා වෙන්නයි. අන්තිමට වෙන්නේ අනිත් පැත්ත. (නි)
බමුණුසිංහ Friday, 27 January 2017 12:04 AM
අශිකා, බමුණු විතරක් නොවෙයි මෙතන අනික් අයත් ලියන දේවල් ට්‍රම්ප් මැතිතුමාට තේරෙන්නේ නැත. කොහොම වුණත් ඔබ කී නිසා මම මේ ටික ඉංග්‍රීසියෙන් ලියලා පොස්ට්කාර්ඩ් එකක් යවන්නම්. (නි)
බමුණු ආරච්චි Friday, 27 January 2017 12:04 AM
"මෙවැනි කෙළින් වැඩ කරන නායකයින් ලංකාවේ කවදා බිහිවේද?" පිළිතුර-කෙළින් වැඩකරන ජනතාවක් බිහිවූදාට. එහෙම දෙයක් පෙනෙනතෙක් මානයක නැත (නි)
උදිත විජේසිංහ Wednesday, 25 January 2017 03:06 PM
ඔය ගිවිසුම ලංකාවට අහිතකර බව රනිල් කියනවා මට මතකයි. මේ ක්‍රියාව අපිට වාසියි (බ)
හේවාවිතාරණ Wednesday, 25 January 2017 05:25 PM
මෙවැනි කෙළින් වැඩ කරන නායකයින් ලංකාවේ කවදා බිහිවේද? (නි)
ජගත් Wednesday, 25 January 2017 05:26 AM
ඇමෙරිකාවේ ආර්ථිකය නව මාවතකට. ජයවේවා! (නි)
චන්න Thursday, 26 January 2017 12:14 AM
ඇමෙරිකාව එහෙම තීරණයක් ගත්තේ ඒ රටේ ජනතාවගේ පැත්තෙන් හිතලා. එ්ත් අපෙ රටේ නායකයෝ තීරණ ගන්නේ ඉන්දියාවට චීනෙට ඕනෑ විදිහට. ලංකාවේ ජීවත්වන මිනිසුන්ට මොනවා වුණත් කමක් නැහැ (නි)
බමුණුසිංහ Thursday, 26 January 2017 12:33 AM
චීනයට දී තිබෙන ඇමරිකන් නිෂ්පාදන නැවත ඇමරිකාවේ පටන්ගන්නවා නම් කොපමණ හොඳද. ඇමරිකානුවන්ට රැකියා අවස්ථා වැඩිවෙනවා. ඒ විතරක් නොවෙයි කැනඩාව වගේ රටවලුත් ඇමරිකාව අනුගමනය කරමින් නිෂ්පාදන තම රටේම පටන්ගන්නවා. එවිට රැකියාවිරහිත කැනේඩියානුවන්ට රැකියා ලැබෙනවා. (නි)
බමුණු ආරච්චි Thursday, 26 January 2017 12:38 AM
ට්‍රම්ප් මහතාණනි, ඔය රටට පැමිණ සිටින සරණාගතයින් සම්බන්ධයෙන් දැන්ම තීරණයක් ගන්න. තව ටික දවසකින් ප්‍රාන්තයක් ඉල්ලාවි. (නි)