දශක දෙකක් තිස්සේ පැවැති සිවිල් යුද්ධයේදී, මාඕවාදීන් සමඟ සටන් වැදුණු සොල්දාදුවන්, පොලිස් නිලධාරීන් සහ සිවිල් සටන්කාමීන්ට පොදු සමාවක් ලබා දීමේ නව පනත් කෙටුම්පතට පේරු ජනාධිපතිනී ඩීනා බොලුවාර්ටේගේ අනුමැතිය ද හිමිවිය.

මෙම පනත් කෙටුම්පතට පේරු කොංග්‍රස් මණ්ඩලයේ අනුමැතිය හිමිවූයේ පසුගිය ජූලි මාසයේදීය. නව නීතිය අත්හිටුවීමට මානව හිමිකම් අධිකරණය නියෝග කළත්, විවිධාකාරයේ විරෝධතා එල්ල වූවත්, බොලුවාර්ටේ එය යළි බලාත්මක ක​ළාය.