නව රජයක් සහ නව අග්‍රාමාත්‍යවරයකු පත් කර ගැනීමට නොහැකි වීමත් සමඟ ප්‍රංශ ජනාධිපති ඉමැනුවෙල් මැක්රොන් අර්බුදයකට මුහුණ දී සිටී. 

මධ්‍යස්ථමතධාරී ප්‍රංශ ජනාධිපති ඉමැනුවෙල් මැක්රොන් පසුගිය ජූලි මාසයේ හදිසි මැතිවරණයක් පැවැත්වීය. ඒ, දක්ෂිණාංශික දේශපාලන කණ්ඩායම් යුරෝපා පාර්ලිමේන්තුවේ බලය වැඩි කර ගැනීම සමඟය. 

මැක්රොන්ට අවශ්‍ය වූයේ ප්‍රංශයේ දක්ෂිණාංශික බලය ව්‍යාප්තවීම අඩු කර ගැනීමටය. 
කෙසේ නමුත් මැතිවරණයේ දෙවැනි සහ අවසන් වටයෙන්, සන්ධානගතව සිටි දක්ෂිණාංශින නොවන සෙසු දේශපාලන කණ්ඩායම් සහ වාමාංශික දේශපාලන කණ්ඩායම්වලට වැඩි වාසි අත්විය. 

එසේ වාසි අත්වුවත්, මැතිවරණයෙන් ජයග්‍රහණය කළ කණ්ඩායම්වලට පාර්ලිමේන්තුවේ විශ්වාසය දිනා ගැනීමට නොහැකි වී ඇති බැවින්, රජයක් පිහිටුවීම ගැටලුක් බව පැවැසෙයි.

මැක්රොන්ගේ මධ්‍යස්ථමතධාරීන්ට ද බහුතරයක් හිමි නොවුණු බැවින් ඔවුන්ට ද තනිවම රජයක් පිහිටුවිය නොහැකිය. ඒ අනුව, නව රජයක් පිහිටුවීමේ අරමුණින්, මැක්රොන්, සෙසු පක්ෂ නායකයන් සමඟ මැක්රොන් මේ වනවිට සාකච්ඡා ආරම්භ කර ඇති බව පැවැසෙයි.

(ඒ.එෆ්.පී.)