අයහපත් කාලගුණය තායිලන්තයේ 12කට මරු කැඳවයි

දකුණු දිග තායිලන්තයේ ධාරානිපාත වැසි හා ගංවතුර හේතුවෙන් 12 දෙනකු මියගොස් ඇතැයි විදෙස් මාධ්‍ය වාර්තා පවසයි.

ඇතැම් පෙදෙස්වල නිවෙස් සම්පූර්ණයෙන් ජලයෙන් යටවී ඇතැයි ද අයහපත් කාලගුණය හේතුවෙන් දහස් ගණනකට බලපෑම් ඇතිවී ඇතැයි ද වාර්තාවේ.

ගුවන්ගමන් ඇතුළු ප්‍රවාහන සේවා අඩපණ වී ඇති බවත් අසරණවී සිටින ජනතාව බේරාගැනීමට තවදුරටත් මෙහෙයුම් ක්‍රියාත්මක බවත් තායිලන්ත අභ්‍යන්තර කටයුතු ඇමැතිවරයා පවසා ඇත.

දකුණු දිග තායිලන්තයේ පාසල් සිය ගණනකට හා විදුලි රැහැන් පද්ධතිවලට ගංවතුර හේතුවෙන් විශාල වශයෙන් හානි සිදුව ඇතැයි ද කියති.